https://bel.sputnik.by/20260221/shchodraya-dusha-ggantsk-prog-z-blno-prygataval--gomel-1104537575.html
Шчодрая душа: гіганцкі пірог з бліноў прыгатавалі ў Гомелі
Шчодрая душа: гіганцкі пірог з бліноў прыгатавалі ў Гомелі
Sputnik Беларусь
На Масленіцу ў абласным цэнтры спяклі больш за 1 000 бліноў, сфармаваўшы з іх гіганцкі пірог. 21.02.2026, Sputnik Беларусь
2026-02-21T12:57+0300
2026-02-21T12:57+0300
2026-02-21T13:06+0300
масленічны тыдзень
танцы і блінцы: як святкуюць масленіцу на беларусі
масленіца
гомель
бліны
рэпартаж
беларусь
у беларусі
свята
грамадства
https://cdnn11.img.sputnik.by/img/07ea/02/15/1104535702_0:120:1280:840_1920x0_80_0_0_3c644f62802e61627c739510f55da80c.jpg
ГОМЕЛЬ, 21 лют – Sputnik, Таццяна Федарэнка. У Гомелі ў кожным раёне горада крэатыўна праводзяць зіму. Для масленічных гулянняў падрыхтавалі шэсць святочных пляцовак, у кожнай – свая фішка, перадае карэспандэнт Sputnik.На цэнтральнай набярэжнай вечарам зладзяць вогненнае шоу, а каля Лядовага палаца ўжо на ўсю моц дэгустуюць дзясяткі бліноў. Тым часам, у зоне адпачынку "Сажалкі" мужчыны ўскарабкваюцца на "масленічны слуп" і пераварочваюць бліны на хуткасць, а ў ДК "Фестывальны" узбіваюць масла і прыгатавалі цар-блін, які абклалі стосамі румяных бліноў паменш.Каб спячы вялікі пачастунак, Гомельскі дзяржаўны аграрна-тэхнічны каледж вывучыў дзясяткі рэцэптаў і спыніўся на правераным і самым простым – класічным – пшанічная мука, курыныя яйкі, малако, алей, цукар і соль па смаку.Толькі інгрэдыентаў спатрэбілася ў разы больш, чым звычайна.Па словах субяседніцы, першапачаткова планавалі на гіганцкай патэльні спячы велізарны блін, што для кухараў каледжа не праблема. Але ў апошні момант хлебасольныя гаспадыні вырашылі канцэпцыю змяніць.Гіганцкую блінніцу таксама майстравалі самі супрацоўнікі каледжа. Незвычайная канструкцыя зарэкамендавала сябе добра, рэзюміруюць повары. Цар-блін і яго румяных кампаньёнаў на працягу дня раздадуць на пачастункі.Гулянні ў Гомелі прадоўжылі традыцыйныя масленічныя забавы: конкурсы, карагоды, спартыўныя спаборніцтвы. Кульмінацыя свята – спальванне пудзіла зімы.У Гомелі ўжо стала традыцыяй частаваць на святы стравамі гіганцкіх памераў. У мінулым годзе на Дзень горада гарадскія прадпрыемствы прадставілі сваю прадукцыю ў памеры XXXL. Сярод экспанатаў – двухмятровая палка сервелату, 15-кілаграмовае марожанае, 100-літровая бочка маянэзу, 30-кілаграмовы глазураваны сырок, брусок сметанковага масла вагой 70 кг і 55-кілаграмовая цукерка "Аэрафлоцкая".Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
https://bel.sputnik.by/20260221/maslenka--adna-nyadzelka-dy--taya-karatsenka-abo-khlebasolstva-z-vodaram-blno-1104508869.html
гомель
беларусь
Sputnik Беларусь
media@sputniknews.com
+74956456601
MIA „Rossiya Segodnya“
2026
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
масленічны тыдзень, танцы і блінцы: як святкуюць масленіцу на беларусі, масленіца, гомель, бліны, рэпартаж, беларусь, у беларусі, свята, грамадства
масленічны тыдзень, танцы і блінцы: як святкуюць масленіцу на беларусі, масленіца, гомель, бліны, рэпартаж, беларусь, у беларусі, свята, грамадства
Шчодрая душа: гіганцкі пірог з бліноў прыгатавалі ў Гомелі
12:57 21.02.2026 (абноўлена: 13:06 21.02.2026) На Масленіцу ў абласным цэнтры спяклі больш за 1 000 бліноў, сфармаваўшы з іх гіганцкі пірог.
ГОМЕЛЬ, 21 лют – Sputnik, Таццяна Федарэнка. У Гомелі ў кожным раёне горада крэатыўна праводзяць зіму. Для масленічных гулянняў падрыхтавалі шэсць святочных пляцовак, у кожнай – свая фішка, перадае карэспандэнт Sputnik.
На цэнтральнай набярэжнай вечарам зладзяць вогненнае шоу, а каля Лядовага палаца ўжо на ўсю моц дэгустуюць дзясяткі бліноў. Тым часам, у зоне адпачынку "Сажалкі" мужчыны ўскарабкваюцца на "масленічны слуп" і пераварочваюць бліны на хуткасць, а ў ДК "Фестывальны" узбіваюць масла і прыгатавалі цар-блін, які абклалі стосамі румяных бліноў паменш.
Каб спячы вялікі пачастунак, Гомельскі дзяржаўны аграрна-тэхнічны каледж вывучыў дзясяткі рэцэптаў і спыніўся на правераным і самым простым – класічным – пшанічная мука, курыныя яйкі, малако, алей, цукар і соль па смаку.
Толькі інгрэдыентаў спатрэбілася ў разы больш, чым звычайна.
"Для тоўстых бліноў замесілі больш за 250 л цеста, для тонкіх спатрэбілася не менш за 150 л. Да іх на патэльню два на два метры разаб’ем не менш за сто яек і падсмажым каўбаскі і скваркі", - падзялілася з карэспандэнтам Sputnik майстар вытворчага навучання Гомельскага дзяржаўнага аграрна-тэхнічнага каледжа Таццяна Ярэц.
Па словах субяседніцы, першапачаткова планавалі на гіганцкай патэльні спячы велізарны блін, што для кухараў каледжа не праблема. Але ў апошні момант хлебасольныя гаспадыні вырашылі канцэпцыю змяніць.
"Адным бліном хіба здзівіш? Вось больш за тысячу бліноў з рознага цеста – гэта па-нашаму. Імі мы зможам пачаставаць больш гасцей свята", - растлумачыла Ярэц.
Гіганцкую блінніцу таксама майстравалі самі супрацоўнікі каледжа. Незвычайная канструкцыя зарэкамендавала сябе добра, рэзюміруюць повары. Цар-блін і яго румяных кампаньёнаў на працягу дня раздадуць на пачастункі.
Гулянні ў Гомелі прадоўжылі традыцыйныя масленічныя забавы: конкурсы, карагоды, спартыўныя спаборніцтвы. Кульмінацыя свята – спальванне пудзіла зімы.
У Гомелі ўжо стала традыцыяй частаваць на святы стравамі гіганцкіх памераў. У мінулым годзе на Дзень горада гарадскія прадпрыемствы прадставілі сваю прадукцыю ў памеры XXXL. Сярод экспанатаў – двухмятровая палка сервелату, 15-кілаграмовае марожанае, 100-літровая бочка маянэзу, 30-кілаграмовы глазураваны сырок, брусок сметанковага масла вагой 70 кг і 55-кілаграмовая цукерка "Аэрафлоцкая".
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте" 
