https://bel.sputnik.by/20260412/spektakl-ab-podzvgu-padletka-na-krymskm-pavostrave-pakazal--gomel-1106088564.html

Спектакль аб подзвігу падлетка на Крымскім паўвостраве паказалі ў Гомелі

Спектакль аб подзвігу падлетка на Крымскім паўвостраве паказалі ў Гомелі

Sputnik Беларусь

Каб адчуць атмасферу і дабіцца пераканаўчай акцёрскай ігры, юныя артысты спускаліся ў каменяломні, дзе ў гады Вялікай Айчыннай вайны трымалі абарону падземнай... 12.04.2026, Sputnik Беларусь

2026-04-12T12:51+0300

2026-04-12T12:51+0300

2026-04-12T12:51+0300

саюзная дзяржава беларусі і расіі

саюзная дзяржава

гомель

тэатр

грамадства

бяспека

культура

рэпартаж

беларусь

у беларусі

https://cdnn11.img.sputnik.by/img/07ea/04/07/1105960910_153:314:1902:1298_1920x0_80_0_0_3e3f2df7a4748dcc7d19e358d04ac6cf.jpg

Спектакль "Улица Володи Дубинина" ад творчых калектываў з Казані заснаваны на рэальных падзеях. У маі 1942 года 15-ці тысячны гарнізон, які абараняў адыходзячыя часткі Чырвонай арміі, разам з жыхарамі Керчы спусціўся ў Аджымушкайскія каменяломні, дзе 170 дзён трымаў абарону, здзяйсняючы начныя вылазкі ў варожы тыл.На гомельскай сцэне ажыла гісторыя юнага героя Валодзі Дубініна – ураджэнца Керчы. Подзвіг 14-гадовага хлопчыка, які сем разоў выходзіў на паверхню, здабываючы важныя звесткі пра ворага, пастараліся адлюстраваць максімальна праўдзіва, не сказіўшы гістарычныя факты. Адна са сцэн пастаноўкі нават запатрабавала асабістай прысутнасці артыстаў у гістарычных падзямеллях.Аб працы над сумеснымі культурнымі праектамі расіян і беларусаў, рэжысёрскіх прыёмах, падарунках і легендарнай гасціннасці беларусаў – у матэрыяле Sputnik.Расія зберагла для нашчадкаў гісторыю"Я сама вучылася ў горадзе-героі Керчы і запомніла, як да нас на ўрок прыходзіла малодшая сястра Валодзі Дубініна Валя. Яна распавядала, як жыла іх сям’я, які ў Валодзькі быў характар, паказвала сямейныя фатаграфіі. Мы дзецьмі ведалі, дзе жыў і вучыўся юны герой", - улучыўшы момант паміж фінальнай рэпетыцыяй, дзеліцца падрабязнасцямі зараджэння ідэі творчага праекта "Улица Володи Дубинина" заслужаны работнік культуры Рэспублікі Татарстан, рэжысёр спектакля Вераніка Зайцава.Субяседніца агенцтва дадае, што спектакль асабліва актуальны напярэдадні самага важнага свята для Беларусі і Расіі – Дня Перамогі. І што немалаважна, рабяты-артысты разумеюць, пра што яны гавораць і што іграюць на сцэне, бо яны спускаліся ў каменяломню Керчы, дзе загінуў Валодзя, і прапусцілі яго гісторыю праз сябе.Дзякуючы гэтаму, пастаноўка атрымалася шчырая і паўнацэнная, лічыць рэжысёр спектакля. Са слоў Зайцавай, пакуль дзеці не пабывалі ў каменяломнях, у іх не атрымлівалася сцэна, дзе яны выходзяць з пустымі пляшкамі і кружкамі ў руках, змучаныя смагай.Тады кожны быў героем, упэўнена Вераніка Зайцава, успамінаючы яшчэ адну гісторыю пра медсястру, якая пад абстрэламі ворага, пакуль яшчэ можна было, выходзіла з вёдрамі з каменяломні за вадой. На восьмы раз немцы яе расстралялі. "Усюды такія самаадданыя людзі былі, па ўсёй краіне", - удакладняе Зайцава.Па словах субяседніцы, у каменяломнях знаходзілі трупы жанчын з дзецьмі, якія разрывалі на грудзях вопратку: настолькі быў невыносны боль у лёгкіх пасля таго, як немцы запусцілі атрутны газ.Пра інклюзіўнасць і сумесныя праекты"З беларусамі мы задумалі новыя праекты", - інтрыгуе субяседніца. - "Гомельскіх рабят з кіраўніком Цэнтра інклюзіўнай культуры чакаем з візітам у адказ у госці летам і зімой. У планах – арганізаваць усерасійскі фестываль, геаграфія якога ўражвае. Паглядаем і ў бок Кітая, з якім у нас таксама наладжаны культурны абмен", - дзеліцца Вераніка Зайцава.У свае спектаклі рэжысёр запрашае дзяцей з асаблівасцямі псіхафізічнага развіцця, інваліднасцю. У Гомелі да артыстаў з Казані далучыліся рабяты з Цэнтра інклюзіўнай культуры. А сама пастаноўка аб’яднала артыстаў трох розных пакаленняў, малодшаму з іх – шэсць гадоў. Усе яны – удзельнікі творчых калектываў Палаца культуры Чыгуначнікаў горада Казані."Галоўныя ролі ва ўсіх. Напрыклад, маці Валодзі паказвае, як цяжка ёй адпускаць сына, але яна разумее, што вайна не пакінула шансаў на дзяцінства, усім прыйшлося рэзка пасталець. Сам Валодзя Дубінін актыўны, спартыўны, любіць маці і бацьку, які пайшоў на фронт. Паказальная сцэна, дзе аднакласнікі радуюцца перамозе Валодзі: увесь клас яго падтрымлівае. Гэта пра ўменне сябраваць па-сапраўднаму", - кажа рэжысёр спектакля.Самы напружаны момант у спектаклі – калі гінуць дзеці. Малых немцы атруцілі, рабят старэй – расстралялі. Акцёраў з асаблівасцямі развіцця ў гэтым эпізодзе вучылі бяспечна падаць і правільна выяўляць эмоцыі, каб глядач паверыў."У цэнтры сюжэта – рэальная гісторыя хлопчыка. Мы адмовіліся ад сучасных тэатральных прыёмаў, каб не ўводзіць у зман гледача. Нават музычныя падкладкі падбіралі даваеннага і ваеннага часу, каб максімальна пагрузіць у атмасферу тых гадоў. Прывезлі з сабой і аўтэнтычны рэквізіт: кубачкі, чамаданы, вязаныя абрусы", - расказвае Зайцава.Па ўспамінах відавочцаў тых падзей, дзеці ваявалі нараўне з дарослымі. Немцы падрывалі ўваходы і выхады, адразаючы людзей ад магчымасці кантактаваць з навакольным светам, і толькі маленькія дзеці маглі выходзіць на паверхню праз вузкія лазы і здабываць каштоўную інфармацыю. Валодзя Дубінін з сябрам рабіў такія вылазкі, добра арыентуючыся ў каменяломнях. Аднойчы ён даведаўся пра планы немцаў затапіць каменяломні і папярэдзіў атрад. Пасля вызвалення Керчы Валодзя дапамагаў сапёрам размініраваць каменяломні, але трагічна загінуў 2 студзеня 1942 года, падарваўшыся на міне.Браты-беларусы і іх гасціннасцьНародны тэатр "Клаксон", жыццялюбы клуба па інтарэсах "Удача", дзіцячая тэатральная студыя "Везунчик" разам з творчай інклюзіўнай студыяй "ЛУЧ" у Беларусі ўпершыню і ўражаны гасціннасцю краіны-суседкі.Госці з Расіі таксама прыехалі не з пустымі рукамі. З сабой прывезлі нацыянальныя цюбецейкі з залатой вышыўкай, футболкі з выявай галоўных славутасцей Казані, чак-чак і духмяны чай."У снежні рабяты з Беларусі прыязджалі ў Казань, на буйны міжнародны інклюзіўны фестываль "ЛУЧ – люди, умеющие чувствовать", у якім прынялі ўдзел больш за 500 чалавек. Цяпер надышла чарга і татарстанскіх рабят наведаць нашу краіну. Гомельскія артысты таксама задзейнічаны ў спектаклі, а сам культурны абмен адбыўся дзякуючы дагавору паміж Казанню і Гомелем", - удакладніла дырэктар Гомельскага гарадскога цэнтра інклюзіўнай культуры Ірына Цяпугіна.У Беларусі артысты прабудуць яшчэ некалькі дзён. Казанцы прывезлі ў абласны цэнтр не толькі спектакль "Улица Володи Дубинина", яны таксама арганізуюць майстар-класы па вырабе нацыянальных татарскіх аздабленняў і выступяць з канцэртам, які раскрывае нацыянальны каларыт Беларусі і Расіі. Дзеці абмяняюцца вопытам і прадэманструюць, што творчасць не мае меж. Летам казанскіх артыстаў чакаюць у Керчы, "Артеке" і іншых дзіцячых лагерах Крыма.Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, MAX і Viber, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"

https://bel.sputnik.by/20260331/aktsr-sevastopalskaga-teatra-zhyvyya-gstory-znakhodzyats-vodguk-u-moladz-1105772251.html

гомель

беларусь

керч

крым

татарстан

2026

Навіны

ru_BY

саюзная дзяржава, гомель, тэатр, грамадства, бяспека, культура, рэпартаж, беларусь, у беларусі, вялікая айчынная вайна, гісторыя, керч, крым, татарстан