https://bel.sputnik.by/20260603/sud-belg-aryshtava-aktyvy-google-na-115-mln-pa-sku-rasyskay-kampan-1107766497.html
Суд Бельгіі арыштаваў актывы Google на €115 млн па іску расійскай кампаніі
Суд Бельгіі арыштаваў актывы Google на €115 млн па іску расійскай кампаніі
Sputnik Беларусь
Расійская "дачка" амерыканскай карпарацыі ініцыявала працэдуры прызнання і выкананні рашэнняў, прынятых судамі РФ, больш чым у дзесяці краінах свету. 03.06.2026, Sputnik Беларусь
2026-06-03T13:04+0300
2026-06-03T13:04+0300
2026-06-03T13:04+0300
google
бельгія
суд
эканоміка
фінансы
у свеце
навіны
расія
https://cdnn11.img.sputnik.by/img/07ea/06/03/1107757658_0:160:3072:1888_1920x0_80_0_0_521a42a7beefbbfb748f6f9e0e372edf.jpg
МІНСК, 3 чэр – Sputnik. Бельгійскі суд задаволіў заяву расійскай кампаніі "Гугл" і наклаў арышт на маёмасць Google Belgium на суму 115 млн еўра (каля 10 млрд расійскіх рублёў), перадаюць "Ведомости" са спасылкай на бельгійскага адваката ТАА "Гугл" Майкла дэ Бука.Расійская кампанія, прызнаная банкрутам, дамагаецца выканання рашэння Арбітражнага суда Масквы аб спагнанні сродкаў з матчыных структур амерыканскай карпарацыі.Удакладняецца, што размова ідзе аб спагнанні дывідэндаў, якія былі выведзены з ТАА "Гугл" перад пачаткам працэдуры банкруцтва. Па версіі маскоўскага Арбітражнага суда, амерыканская карпарацыя наўмысна выплаціла дывідэнды, каб пазбегнуць разлікаў з крэдыторамі.Як піша выданне, актывы Google Belgium арыштаваны ў якасці забеспячальнай меры, якая прадухіліць спробы рэструктурызаваць або аб’явіць банкрутам бельгійскае падраздзяленне перш, чым завершыцца судовы працэс.Майкл дэ Бук адзначыў, што справа ТАА "Гугл" дэманструе "межы маральнай і юрыдычнай адказнасці глабальных кампаній, якія дзейнічаюць на рынках суверэнных краін, няхай гэта будзе Расія, Францыя або Бельгія".1 чэрвеня суд першай інстанцыі Мадрыда пацвердзіў сваю юрысдыкцыю для разгляду адпаведнай заявы конкурснага кіраўніка ТАА "Гугл". У далейшым бельгійскі суд разгледзіць патрабаванні ТАА "Гугл" па сутнасці.За бельгійскай кампаніяй Google Belgium і карпарацыяй Google International LLC захоўваецца права абскардзіць арышт маёмасці.У выпадку, калі бельгійскі суд прызнае рашэнне Арбітражнага суда Масквы і задаволіць заяву ТАА "Гугл", арыштаваная маёмасць Google Belgium можа быць накіравана на разлікі з крэдыторамі расійскага ТАА "Гугл".Спрэчка вакол дывідэндаў з’яўляецца толькі часткай прэтэнзій ТАА "Гугл" да амерыканскай карпарацыі.У рамках справы аб банкруцтве расійскай кампаніі аспрэчваецца ў тым ліку вывад фінансавых сродкаў з Расіі пасля 2018 года на агульную суму каля 2,2 млрд долараў.Паколькі на тэрыторыі РФ няма значных актываў Google, рашэнні расійскіх судоў у будучыні могуць быць прад’яўлены да выканання ў іншых краінах, дзе ёсць маёмасць карпарацыі, адзначыў у размове з "Ведомостями" каардынатар міжнароднай каманды юрыстаў па праекце, партнёр адвакацкага бюро Art De Lex Артур Зурабян.Так, расійская кампанія ўжо ініцыявала працэдуры прызнання і выканання расійскіх судовых рашэнняў больш як у дзесяці краінах свету.Раней, у снежні 2025 года па заяве конкурснага кіраўніка ТАА "Гугл" рашэннем парыжскага суда было арыштавана 100% акцый кампаніі Google France. Сума выплачаных дывідэндаў склала 112 млн еўра. Аналагічнае рашэнне было прынята ў кастрычніку таго ж года Вярхоўным судом Паўднёва-Афрыканскай Рэспублікі.Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, MAX і Viber, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
https://bel.sputnik.by/20160201/1019876474.html
бельгія
расія
Sputnik Беларусь
media@sputniknews.com
+74956456601
MIA „Rossiya Segodnya“
2026
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
google, бельгія, суд, эканоміка, фінансы, у свеце, навіны , расія
google, бельгія, суд, эканоміка, фінансы, у свеце, навіны , расія
Суд Бельгіі арыштаваў актывы Google на €115 млн па іску расійскай кампаніі
Расійская "дачка" амерыканскай карпарацыі ініцыявала працэдуры прызнання і выкананні рашэнняў, прынятых судамі РФ, больш чым у дзесяці краінах свету.
МІНСК, 3 чэр – Sputnik. Бельгійскі суд задаволіў заяву расійскай кампаніі "Гугл" і наклаў арышт на маёмасць Google Belgium на суму 115 млн еўра (каля 10 млрд расійскіх рублёў), перадаюць "Ведомости" са спасылкай на бельгійскага адваката ТАА "Гугл" Майкла дэ Бука.
Расійская кампанія, прызнаная банкрутам, дамагаецца выканання рашэння Арбітражнага суда Масквы аб спагнанні сродкаў з матчыных структур амерыканскай карпарацыі.
Удакладняецца, што размова ідзе аб спагнанні дывідэндаў, якія былі выведзены з ТАА "Гугл" перад пачаткам працэдуры банкруцтва. Па версіі маскоўскага Арбітражнага суда, амерыканская карпарацыя наўмысна выплаціла дывідэнды, каб пазбегнуць разлікаў з крэдыторамі.
Як піша выданне, актывы Google Belgium арыштаваны ў якасці забеспячальнай меры, якая прадухіліць спробы рэструктурызаваць або аб’явіць банкрутам бельгійскае падраздзяленне перш, чым завершыцца судовы працэс.
Майкл дэ Бук адзначыў, што справа ТАА "Гугл" дэманструе "межы маральнай і юрыдычнай адказнасці глабальных кампаній, якія дзейнічаюць на рынках суверэнных краін, няхай гэта будзе Расія, Францыя або Бельгія".
"Неабходна дзейнічаць усюды, дзе можна знайсці актывы "Гугл", для выканання рашэння расійскага суда", - цытуе выданне словы адваката.
1 чэрвеня суд першай інстанцыі Мадрыда пацвердзіў сваю юрысдыкцыю для разгляду адпаведнай заявы конкурснага кіраўніка ТАА "Гугл". У далейшым бельгійскі суд разгледзіць патрабаванні ТАА "Гугл" па сутнасці.
За бельгійскай кампаніяй Google Belgium і карпарацыяй Google International LLC захоўваецца права абскардзіць арышт маёмасці.
У выпадку, калі бельгійскі суд прызнае рашэнне Арбітражнага суда Масквы і задаволіць заяву ТАА "Гугл", арыштаваная маёмасць Google Belgium можа быць накіравана на разлікі з крэдыторамі расійскага ТАА "Гугл".
Спрэчка вакол дывідэндаў з’яўляецца толькі часткай прэтэнзій ТАА "Гугл" да амерыканскай карпарацыі.
У рамках справы аб банкруцтве расійскай кампаніі аспрэчваецца ў тым ліку вывад фінансавых сродкаў з Расіі пасля 2018 года на агульную суму каля 2,2 млрд долараў.
Паколькі на тэрыторыі РФ няма значных актываў Google, рашэнні расійскіх судоў у будучыні могуць быць прад’яўлены да выканання ў іншых краінах, дзе ёсць маёмасць карпарацыі, адзначыў у размове з "Ведомостями" каардынатар міжнароднай каманды юрыстаў па праекце, партнёр адвакацкага бюро Art De Lex Артур Зурабян.
Так, расійская кампанія ўжо ініцыявала працэдуры прызнання і выканання расійскіх судовых рашэнняў больш як у дзесяці краінах свету.
Раней, у снежні 2025 года па заяве конкурснага кіраўніка ТАА "Гугл" рашэннем парыжскага суда было арыштавана 100% акцый кампаніі Google France. Сума выплачаных дывідэндаў склала 112 млн еўра. Аналагічнае рашэнне было прынята ў кастрычніку таго ж года Вярхоўным судом Паўднёва-Афрыканскай Рэспублікі.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, MAX і Viber, чытайце нас у Дзэн, а таксама сачыце за намі ў сацсетках "Одноклассники" і "ВКонтакте" 
