https://bel.sputnik.by/20260921/tut-nyama-mezh-mnchanka-ab-festyval-moladz--ekatsyarynburgu-1110958324.html

"Тут няма меж": мінчанка аб фестывалі моладзі ў Екацярынбургу

"Тут няма меж": мінчанка аб фестывалі моладзі ў Екацярынбургу

Sputnik Беларусь

Міжнародны фестываль моладзі нядаўна завяршыўся ў Екацярынбургу, у ім прынялі ўдзел 10 тыс маладых актывістаў са 191 краіны, у тым ліку з Беларусі. 21.09.2026, Sputnik Беларусь

2026-09-21T09:35+0300

2026-09-21T09:35+0300

2026-09-21T09:35+0300

саюзная дзяржава беларусі і расіі

міжнародны фестываль моладзі

екацярынбург

беларусы

фестываль

саюзная дзяржава

грамадства

расія

культура

беларусь

https://cdnn11.img.sputnik.by/img/07ea/09/12/1110931692_0:0:1280:721_1920x0_80_0_0_b74e18babb1e0696c5de344292836f55.jpg

Магістрантка філіяла Расійскага дзяржаўнага сацыяльнага ўніверсітэта (РДСУ) у Мінску, 22-гадовая Ліза Астроўская, стала ўдзельніцай Міжнароднага фестывалю моладзі ў Екацярынбургу. Дзяўчына адправілася на Урал па праграме "Новае пакаленне" ад Рассупрацоўніцтва.Пра тое, у якіх тэматычных трэках і сесіях яна прыняла ўдзел, каго са знакамітых людзей ёй удалося ўбачыць і на якія новыя ідэі яе натхніў фестываль, Ліза расказала ў эксклюзіўным інтэрв’ю Sputnik.Атмасфера без межЛіза Астроўская – маркетолаг па прафесіі, а ў душы – "фея добрых спраў". Дзяўчына актыўна займаецца дабрачыннасцю і рэалізуе сацыяльныя праекты, накіраваныя на дапамогу анкахворым дзецям.На фестываль моладзі ў Екацярынбург Ліза адправілася адна, але сустрэла там сваіх сяброў з Беларусі ды іншых краін. Паводле яе слоў, сумаваць не было калі – праграма мерапрыемства працавала ў рэжыме 24/7. Тэматычныя сесіі, карнавалы, тэатральныя шоу, канцэрты і многае іншае маглі наведаць удзельнікі фестывалю.Медыцына, гістарычная памяць і ШІАсаблівую ўвагу дзяўчына ўдзяліла маштабнай выставачнай зоне. Яна наведала трэкі па штучным інтэлекце і стэнд "Евразия", дзе прэзентавалі праект "Победа 9/45", прысвечаны захаванню гістарычнай памяці. Яна адзначыла, што лічыць ШІ наймагутным інструментам для працы і творчасці, якім, на яе думку, на жаль, пакуль не ўсе ўмеюць правільна карыстацца.Дарэчы, у гэтым годзе Ліза падала свой сацыяльны праект на міжнародную прэмію "Евразія" – чакае вынікаў.Не менш уразіла Астроўскую медыцынская выстава. Яна з захапленнем распавяла пра рэалістычныя манекены для адпрацоўкі навыкаў рэанімацыі, таксама яе ўразілі сучасныя рабатызаваныя комплексы для дыстанцыйных хірургічных аперацый, якія ўжо функцыянуюць у расійскіх клініках."Урачы могуць праводзіць складаныя ўмяшанні выдалена. Гэта нестандартны падыход, які вырашае мноства задач", - сказала субяседніца.Пошук каранёў і прасоўванне беларускай мовыНа "палях" форуму Ліза пазнаёмілася з жанчынай, якая складае радавод. Гэтая сустрэча натхніла дзяўчыну лепш даведацца пра свае карані."Я пакуль ведаю толькі чатыры пакаленні сваіх продкаў. Мы абмяняліся кантактамі з гэтай жанчынай, і па прыездзе ў Беларусь я абавязкова звяжуся з ёй", - падзялілася яна.Ліза таксама расказала, што яна шмат размаўляла на беларускай мове з удзельнікамі з розных краін. Паводле яе слоў, іншаземцам было цікава даведацца, як гучыць родная мова беларусаў. Яна прызналася, што пасябравала з дзяўчынкай з Арменіі і напісала ёй у блакнотык некалькі слоў на беларускай мове: "каханне", "прывітанне", "дыван", "шуфлядка", "буська".А яшчэ Ліза паспела папрактыкаваць англійскую з удзельнікам з Бангладэш.Купецкі Екацярынбург і зорнае неба форумуКультурная праграма фестывалю запомнілася Лізе агляднай экскурсіяй па Екацярынбургу. У прыватнасці, яе захапіла архітэктура горада.Яна таксама наведала адну з галоўных славутасцей Екацярынбурга – Ельцын-цэнтр. Па словах дзяўчыны, яе здзівіла, як у гэтым высокім шкляным будынку вельмі гарманічна спалучаюцца офісы, сувенірныя крамы, рэстараны і бясплатныя лаўнж-зоны з пінг-понгам.Наконт зорных гасцей форуму Ліза расказала, што ёй пашчасціла ўбачыць топавых блогераў, Дзіму Білана, Ягора Крыда, Ваню Дзмітрыенку, палітыкаў, у тым ліку міністра замежных спраў Расіі Сяргея Лаўрова.Стымул для развіццяРаней Ліза ўжо брала ўдзел у Сусветным фестывалі моладзі ў Сочы, таму дакладна ведае, якую карысць нясуць такія мерапрыемствы.Дзяўчына дадала, што фестываль дае бязмежныя магчымасці: можна знайсці працу, атрымаць ідэю для праекта, здабыць сяброў і нават каханне."Наколькі я ведаю, некаторыя рабяты сустрэлі тут свой лёс і сёлета прыехалі ўжо ў статусе мужа і жонкі. Калі ты вяртаешся ў звычайнае жыццё, спачатку нават нязвыкла: там усё спакойна, а тут – жыццё кіпіць ручаём, куча ідэй. Гэта сапраўды выдатна!" - адзначыла Астроўская.Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, MAX і Viber, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"

https://bel.sputnik.by/20260914/dz-za-maray-yarkya-kadry-mzhnarodnaga-festyvalyu-moladz--fota-1110779848.html

екацярынбург

расія

беларусь

2026

Навіны

ru_BY

міжнародны фестываль моладзі, екацярынбург, беларусы, фестываль, саюзная дзяржава, грамадства, расія, культура, беларусь, рассупрацоўніцтва, інтэрв'ю, эксклюзіў