Памяць загінулых супрацоўнікаў органаў унутраных спраў ушанавалі ў Мінску
14:26 10.11.2026 (абноўлена: 14:42 10.11.2026)
© Sputnik / Виктор Толочко
Падпісацца
Прадстаўнікі МУС і сямей загінулых супрацоўнікаў усклалі вянкі да помніка ў сталіцы ў Дзень ушаноўвання ветэранаў органаў унутраных спраў і ўнутраных войск.
МІНСК, 10 ліс – Sputnik. Памяць супрацоўнікаў органаў унутраных спраў і ваеннаслужачых унутраных войск, якія загінулі пры выкананні службовага і воінскага абавязку, ушанавалі ў аўторак у Мінску, перадае карэспандэнт Sputnik.
Цырымонія ўскладання вянкоў і кветак да помніка прайшла ў Дзень ушаноўвання ветэранаў органаў унутраных спраў і ваеннаслужачых унутраных войск МУС, які штогод адзначаецца ў Беларусі 10 лістапада.
Памяць супрацоўнікаў органаў унутраных спраў і ваеннаслужачых унутраных войск, якія загінулі пры выкананні службовага і воінскага абавязку, ушанавалі ў аўторак у Мінску
© Sputnik / Виктор Толочко
У мерапрыемстве прынялі ўдзел міністр унутраных спраў Іван Кубракоў, яго намеснікі, кіраўнікі падраздзяленняў МУС, ветэраны, члены сямей загінулых супрацоўнікаў, курсанты Акадэміі МУС, навучэнцы Спецыялізаванага ліцэя МУС і выхаванцы ваенна-патрыятычных клубаў.
© Sputnik / Виктор Толочко
Звяртаючыся да прысутных, кіраўнік ведамства падкрэсліў важнасць захавання памяці аб тых, хто аддаў жыццё дзеля бяспекі краіны.
© Sputnik / Виктор Толочко
"Усе нашы святочныя мерапрыемствы мы заўсёды пачынаем з наведвання месцаў пахавання, наведвання помнікаў, ускладання кветак тым, хто не пашкадаваў свайго жыцця, аддаў самае дарагое, што ёсць у чалавека, сваё жыццё, каб абараніць грамадзян, каб гарантаваць бяспеку нашай краіны", - адзначыў Кубракоў.
© Sputnik / Виктор Толочко
Ён таксама звярнуў увагу на ролю ветэранаў у выхаванні маладога пакалення і захаванні традыцый службы.
"Тыя, хто плануе прысвяціць сваё жыццё служэнню Айчыне, павінны добра разумець, што супрацоўнікі міліцыі нясуць службу кругласутачна. І як бы ні было цяжка, яны заўсёды застаюцца на пасту", - сказаў міністр.
Па словах Кубракова, сёння ветэранская арганізацыя МУС налічвае больш за 26 тыс чалавек. Ён падзякаваў ветэранам за актыўны ўдзел у грамадскім жыцці і патрыятычным выхаванні моладзі.
© Sputnik / Виктор Толочко
"Вы заўсёды з намі ў адным страі. Па-іншаму быць не можа, таму што тая загартоўка, якую вы атрымалі ў органах унутраных спраў, дае магчымасць вам рухацца толькі наперад", - падкрэсліў кіраўнік МУС.
Міністр таксама падзякаваў ветэранам за ўдзел у ідэалагічным марафоне, прысвечаным 110-годдзю беларускай міліцыі, і здымках фільма "Слова афіцэра".
Памяць супрацоўнікаў органаў унутраных спраў і ваеннаслужачых унутраных войск, якія загінулі пры выкананні службовага і воінскага абавязку, ушанавалі ў аўторак у Мінску
© Sputnik / Виктор Толочко
Акрамя таго, Кубракоў узнагародзіў ветэранаў органаў унутраных спраў за ўклад у развіццё і ўдасканаленне дзейнасці па барацьбе са злачыннасцю, ахове правапарадку і забеспячэнні грамадскай бяспекі.
Пасля гэтага ўдзельнікі мерапрыемства ўсклалі вянкі і кветкі да манумента і ўшанавалі памяць загінулых хвілінай маўчання.
У завяршэнне ваеннаслужачыя роты ганаровай варты прайшлі ўрачыстым маршам па набярэжнай Свіслачы.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, MAX і Viber, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
