https://bel.sputnik.by/20261114/slzy-mam--gonar-tata-pagranchnk--sosnakh-prymayuts-prysyagu-1112736716.html

Слёзы мам і гордасць татаў: пагранічнікі ў Соснах прымаюць прысягу

Слёзы мам і гордасць татаў: пагранічнікі ў Соснах прымаюць прысягу

Sputnik Беларусь

Хлопцы на пляцы з цяжкасцю стрымліваюць хваляванне. Яшчэ месяц таму яны былі грамадзянскімі – студэнтамі, працоўнымі. Сёння яны пагранічнікі, якім трэба са... 14.11.2026, Sputnik Беларусь

2026-11-14T15:54+0300

2026-11-14T15:54+0300

2026-11-14T15:55+0300

прысяга

пагранічнікі

бяспека

грамадства

рэпартаж

беларусь

у беларусі

прызыў

эксклюзіў

https://cdnn11.img.sputnik.by/img/07ea/0b/0e/1112730809_0:161:3071:1888_1920x0_80_0_0_2cb72154eeaffb8d9130650dd486488c.jpg

З самай раніцы ў групе сувязі і забеспячэння органаў пагранічнай службы ў Соснах пануе святочная і хвалюючая атмасфера. У суботу больш за 60 навабранцаў прывядуць да Ваеннай прысягі – у прысутнасці родных, саслужыўцаў і камандавання.Падтрымаць хлопцаў прыехалі сябры, родныя і блізкія. Яны выглядаюць сваіх пагранічнікаў у страі і, знайшоўшы, махаюць ім. Байцы спакойныя, хаця па вачах відаць: адказаць хочацца. Аб атмасферы на пляцы – у матэрыяле Sputnik.Месяц падрыхтоўкіБольш за 60 чалавек на пляцы – прызыў гэтай восені. Месяц таму ў кожнага было сваё жыццё: вучоба, праца, планы. Сёння ўсе яны стаяць у адзіным страі ў чаканні галоўнага рытуалу – Ваеннай прысягі.За гэты час навабранцы навучыліся хадзіць страявым крокам, пазнаёміліся са зброяй, асвоілі асновы рукапашнага бою і нават пастралялі. Зусім нядаўна ў папаўнення адбыўся першы рытуал – уручэнне баявой зброі. Цяпер – прысяга.Плачуць нават мужчыныНа ўрачыстае мерапрыемства прыехалі родныя і блізкія з розных рэгіёнаў Беларусі: хтосьці з Брэсцкай вобласці, хтосьці з Віцебскай. Многія не стрымліваюць слёз радасці і гонару.Скупую слязу пускаюць і мужчыны, але, убачыўшы камеру, адварочваюцца. Жанчыны ў эмоцыях менш сарамлівыя: плачуць і ўсміхаюцца адначасова.Вольга Нікалаева прыехала з мужам і дачкой. Яна прызнаецца, што стрымліваць эмоцыі сёння вельмі цяжка. "У мяне трое дзетак: дзве дзяўчынкі, адзін хлопчык – вось ён і пайшоў у армію. Ужо адплакалі, зараз радуемся. Адчуваю гонар за сына", - дзеліцца яна.Вялікая група падтрымкі прыехала да Артура Сухога з Вілейкі – толькі родных дзевяць чалавек. Яго маці Алеся расказвае, што перажываюць усе."Мы вельмі рады бачыць Артура, ганарымся ім. Вельмі хвалюемся. Адразу знайшлі яго ў страі. Мне здаецца, ён стаў больш сур’ёзным і нават крыху памужнеў. Форма таксама, напэўна, надае сур’ёзнасці", - дадае яна.Да прыняцця Ваеннай прысягі прыступіць!Гучыць каманда "Станавіся!", мерапрыемства пачынаецца. Начальнік групы сувязі і забеспячэння Сяргей Свянцецкі звяртае ўвагу: дзень прыняцця Ваеннай прысягі – асаблівы ў жыцці кожнага ваеннаслужачага, ён ніколі не забудзецца.Па словах Свянцецкага, пагранічная служба – доля моцных духам, самаахвярных і смелых людзей.Гучыць каманда "Да прыняцця Ваеннай прысягі прыступіць!" – і строй прыходзіць у рух.Навабранцы са зброяй у руках выходзяць са строю па адным. Кожны называе сваё прозвішча, выразна, але з прыкметным хваляваннем прамаўляе словы клятвы.Галасы ва ўсіх розныя: у кагосьці цвёрдыя, у кагосьці зрываюцца. Але за спінай – строй таварышаў, а перад вачамі – родныя.Мамы заміраюць, затаіўшы дыханне. Некаторыя крадком выціраюць вочы, іншыя трымаюць тэлефон аберуч, баючыся выпусціць кадр. Бацькі стаяць моўчкі – і толькі па вачах відаць, што яны адчуваюць у гэты момант. Дзядулі ківаюць, быццам кажучы: "Малайчына, унук". Хтосьці здымае відэа, імкнучыся злавіць кадр, дзе сын прамаўляе словы прысягі, хтосьці проста глядзіць – і запамінае.Калі апошні навабранец прамаўляе словы клятвы, над пляцам павісае секундная цішыня. І толькі потым – віншаванні ад камандавання.Палюбіў зарадку і стральбуРадавы Багдан Радкевіч расказвае, што да прысягі рыхтаваліся з асаблівай адказнасцю – стараліся, каб сёння ўсё прайшло выдатна.Па словах Радкевіча, месяц на пазаштатным навучальным пункце ў Соснах прайшоў насычана: ён ужо палюбіў ранішнюю зарадку, а яшчэ яму спадабалася бегаць і страляць з баявой зброі. Сумаваць не даводзіцца.Наперадзе навабранцаў чакаюць вучоба і размеркаванне па падраздзяленнях. Багдан прызнаецца: хацеў бы трапіць у цэнтр рухомых сродкаў сувязі, бо там цікава.Перабудовы моцнай не былоЯшчэ адзін навабранец, радавы Кірыл Стэфанік, распавядае, што вучоба даецца яму дастаткова лёгка.Цяпер радавы раз-пораз паглядае ў бок, дзе стаяць яго родныя. Падтрымаць пагранічніка прыехалі бацькі і дзяўчына Сабрына. Ён прызнаецца: сазвоньваецца з блізкімі кожны дзень, а зараз нарэшце ўбачыў іх ужывую.Прапанова рукі і сэрцаРаптам адзін з навабранцаў, Мікалай Растаргуеў, становіцца на калена і робіць прапанову сваёй дзяўчыне Вікторыі. Такога развіцця падзей не чакалі ні яна, ні родныя. Не задумваючыся, Вікторыя адказвае: "Так".Растаргуеў прызнаецца: аб прапанове думаў доўга, бо разам з Вікторыяй яны ўжо тры гады. Арганізаваць усё дапамагло кіраўніцтва групы сувязі і забеспячэнні.Доўгачаканая сустрэчаНадыходзіць момант сустрэчы з роднымі. Слёз не хаваюць ужо ні мужчыны, ні жанчыны. Абдымкі, пацалункі, доўгачаканыя размовы – хтосьці не бачыў родных цэлы месяц.Многія разглядаюць сваіх сыноў у форме, быццам упершыню. Мікалай Растаргуеў абдымае Вікторыю, на пальцы якой зараз зіхаціць кальцо. Багдан Радкевіч акружаны сваімі блізкімі: усе наперабой жадаюць абняць свайго пагранічніка.Пасля прысягі навабранцы прадоўжаць удасканальваць прафесійную падрыхтоўку ў навучальным пункце, затым іх размяркуюць па канкрэтных падраздзяленнях. Наперадзе – служба, новыя выпрабаванні і новыя сустрэчы.Але гэта будзе потым. Зараз пляц паступова пусцее, родныя кідаюцца фатаграфавацца са сваімі пагранічнікамі. Сёння ў навабранцаў заслужанае звальненне, якое яны правядуць сярод самых блізкіх. А далей – зноў служба.Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, MAX і Viber, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"

беларусь

2026

Навіны

ru_BY

прысяга, пагранічнікі, бяспека, грамадства, рэпартаж, беларусь, у беларусі, прызыў, эксклюзіў