Трамп заявіў, што Міжнародны крымінальны суд выйшаў з-пад кантролю

© AP / Peter DejongМіжнародны крымінальны суд у Гаазе
Міжнародны крымінальны суд у Гаазе - Sputnik Беларусь, 1920, 19.11.2026
Падпісацца
Адносіны ЗША і МКС носяць канфрантацыйны характар: Вашынгтон выступіў супраць юрысдыкцыі суда над амерыканскімі грамадзянамі і ўвёў супраць яго санкцыі.
МІНСК, 19 ліс – Sputnik. Прэзідэнт ЗША Дональд Трамп заявіў, што Міжнародны крымінальны суд (МКС) выйшаў з-пад кантролю.
Аб гэтым ён паведаміў у ходзе трохбаковых перагавораў з прэзідэнтам Расіі Уладзімірам Пуціным і старшынёй КНР Сі Цзіньпінам, якія праходзяць у Шэньчжэне.
"Яшчэ адна галіна патэнцыяльнага супрацоўніцтва паміж нашымі краінамі – гэта знайсці шляхі абароны суверэнітэту нашых нацый ад некіруемых глабалісцкіх арганізацый, такіх як Міжнародны крымінальны суд, які выйшаў з-пад кантролю", - сказаў Трамп.
Паводле яго слоў, Вашынгтон, Масква і Пекін маглі б абмеркаваць сумесныя падыходы да абароны нацыянальнага суверэнітэту ад умяшання такіх структур.
Перагаворы трох лідараў праходзяць на палях саміту Азіяцка-Ціхаакіянскага эканамічнага супрацоўніцтва (АЦЭС). Гэта першая ў гісторыі трохбаковая сустрэча кіраўнікоў ЗША, Расіі і Кітая.

ЗША супраць МКС

У жніўні 2026 года ЗША ўвялі санкцыі супраць двух прадстаўнікоў МКС у Гаазе – старшыні суда Тамако Аканэ і старшага пракурора Абдулая Сее. У Дзярждэпартамэнце тады заявілі, што дзейнасць арганізацыі ўяўляе пагрозу нацыянальнаму сувэрэнітэту дзяржаў.
У верасні Трамп на Генеральнай асамблеі ААН заклікаў усе краіны-ўдзельніцы МКС выйсці з гэтай арганізацыі, назваўшы яе "самаўпраўнай" структурай.
У кастрычніку Вашынгтон аб’явіў аб увядзенні санкцый непасрэдна супраць МКС.
У самім МКС раней заяўлялі, што амерыканскія санкцыі падрываюць міжнародны прававы парадак. Акрамя таго, у судзе паведамілі аб мерах па абароне сваёй дзейнасці ад магчымых абмежаванняў.
Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, MAX і Viber, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Сустрэча Пуціна, Трампа і Сі Цзіньпіна на саміце АЦЭС – трансляцыя - Sputnik Беларусь, 1920, 19.11.2026
Відэа
Сустрэча Пуціна, Трампа і Сі Цзіньпіна на саміце АЦЭС – поўная версія
Стужка навiн
0