МІНСК, 23 сту — Sputnik. Мінскі аэрапорт ўвёў правілы для перавозчыкаў, якія жадаюць працаваць на яго тэрыторыі, яны датычацца як знешняга выгляду кіроўцаў, так і стану аўтамабіляў.
"Кіроўца павінен мець ахайны знешні выгляд, быць акуратным. Павінен быць апрануты ў афіцыйна-дзелавым стылі ў цёмныя штаны, светлую аднатонную кашулю, туфлі ў летні перыяд. У цёмную аднатонную куртку альбо паліто, цёмныя штаны і абутак цёмнага колеру ў зімовы перыяд", — гаворыцца ў палажэнні па аказанні паслуг.
Аўтамабіль таксі павінен быць не старэйшы за дзесяць гадоў, а сам кіроўца павінен забяспечваць культурнае абслугоўванне пасажыраў, быць ветлівым і добразычлівым.
Машына таксі як звонку, так і ўнутры таксама павінна быць абсталяваная і аформленая ў строгай адпаведнасці з нарматыўнымі прававымі актамі і тэхнічнымі нарматыўнымі прававымі актамі Беларусі.
Гэтыя правілы датычацца кіроўцаў, якія жадаюць аказваць паслугі на тэрыторыі аэравакзальнага комплекса РУП "Нацыянальны аэрапорт Мінск". Кожны кіроўца павінен падаць пісьмовую згоду з правіламі работы.