МІНСК, 25 сту — Sputnik. Знакаміты акцёр з Індыі плануе зняць фільм пра Беларусь, паведаміў Надзвычайны і Паўнамоцны пасол Індыі ў Беларусі Саксен Панкадж на прэс-канферэнцыі.
Паводле яго слоў, гэтую інфармацыю ён плануе данесці да кіраўніцтва міністэрства спорту і турызму. Панкадж таксама растлумачыў, што фільм будзе створаны для развіцця турыстычных сувязяў паміж Беларуссю і Індыяй.
Дыпламат выказаў захапленне беларускімі лясамі, адзначыўшы, што на іх фоне можна было б зняць раскошныя кадры з індыйскімі танцамі. Пры гэтым ён сказаў, што ў Беларусі любяць і ведаюць культуру Індыі, у тым ліку танцавальную. "Падчас здымак фільма можна будзе не прывозіць індыйскіх танцораў, у Беларусі ёсць добрыя выканаўцы нашых танцаў", — сказаў Панкадж.
Па словах Панкадж, больш за ўсё ў Беларусі ён любіць бываць на возеры Нарач, некалькі гадоў таму ў рэспубліку прыехалі яго сын, дачка і жонка — ім таксама спадабаўся адпачынак там.