МІНСК, 2 лют — Sputnik. Міністэрства сувязі і інфарматызацыі 9 лютага выпусціць паштовую марку "XXIII зімовыя Алімпійскія гульні ў Пхенчхане", паведамілі Sputnik у РУП "Белпошта".
Тыраж маркі складае 72 тыс. экзэмпляраў. Дызайн распрацавала Алена Мядзведзь.
Намінал маркі адпавядае тарыфу на перасылку міжнароднай простай пісьмовай карэспандэнцыі (лістоў, бандэроляў, дробных пакетаў) масай да 20 г уключна.
Марка друкавалася з лагатыпам XXIII зімовых Алімпійскіх гульняў у Пхенчхане і эмблемай Нацыянальнага алімпійскага камітэта Рэспублікі Беларусь, якая таксама размешчана на канверце "Першы дзень".
XXIII зімовыя Алімпійскія гульні пройдуць з 9 па 25 лютага ў паўднёвакарэйскім Пхенчхане. Чакаецца, што ў мерапрыемстве прымуць удзел спартсмены з 92 краін свету.