МІНСК, 13 лют — Sputnik. Выставу твораў беларускага мастака Алеся Квяткоўскага і студэнтаў архітэктурнага факультэта Беларускага нацыянальнага тэхнічнага ўніверсітэта прадставяць у Мінску, паведамілі Sputnik у Дзяржаўным музеі гісторыі беларускай літаратуры.
Наведвальнікі музея змогуць убачыць карціны, напісаныя падчас пленэраў у Цімкавічах. Акрамя таго, госці пазнаёмяцца з асобай і творчасцю беларускага пісьменніка Кузьмы Чорнага, які быў родам з Цімкавіч.
"Алесь Квяткоўскі — сапраўдны мастак свайго часу. Яго творы прасякнуты любоўю да родных мясцін, да роднай Беларусі. Сваёй галоўнай мэтай мастак лічыць перадаць любоў да радзімы наступнаму пакаленню творцаў", — падкрэслілі арганізатары.
Дзе: вул. М. Багдановіча (Дзяржаўны музей гісторыі беларускай літаратуры)
Калі: 16 лютага, 17:00