МІНСК, 15 лют — Sputnik. Напярэдадні 8 сакавіка Зміцер Вайцюшкевіч іWZ-Orkiestra прадставяць у Мінску праграму "Вясновы дзень", паведамляецца на афіцыйнай старонцы выканаўцы ў "Фэйсбуку".
Канцэрт будзе прысвечаны прыгажосці вясны і ўсіх жанчын свету.
Назва праграмы пайшла ад песні на словы Рыгора Барадуліна, напісанай спецыяльна для альбома "Паравоз кахання" ў 2004 годзе.
Падчас выступу таксама прагучаць песні на вершы Алеся Камоцкага, Генадзя Бураўкіна, Уладзіміра Караткевіча і іншых аўтараў.
Калі: 7 сакавіка, 19:00.
Дзе: вул. Уральская, 3 (ДК імя Шарко).