МІНСК, 17 лют — Sputnik. Мас-старт у жанчын у Пхенчхане завяршыўся перамогай славацкай біятланісткі Анастасіі Кузьміной, лепшай сярод беларускіх біятланістак стала Дар'я Домрачава — у яе срэбра.
Гэта апошняя індывідуальная гонка, наперадзе ў спартсменак яшчэ дзве эстафеты.
Анастасія Кузьміна фінішавала з часам 35.23 і адным промахам. Фінішную лінію славацкая біятланістка перасякала з нацыянальным сцягам. Гэта яе трэці медаль на Алімпіядзе ў Пхенчхане: да гэтага Кузьміна заваявала срэбра ў індывідуальнай гонцы і гонцы пераследу.
Дар'я Домрачава саступіла ёй 18,8 секунды, яна таксама прамахнулася адзін раз. Скардзіна прайграла лідару 47,89 секунды. Ірына Крыўко фінішавала пад тым жа нумарам, пад якім і выходзіла на старт. Яна саступіла Кузьміной 3 хвіліны 41 секунду, прамазала чатыры разы.
Лепшы ход у мас-старце паказала Кузьміна. Экхоф — другая па хуткасці, Домрачава — трэцяя.
Дар'я Домрачава з'яўляецца Алімпійскай чэмпіёнкай Гульняў 2014 у Сочы. Там яна заваявала тры залатыя медалі: у гонцы пераследу, на 15-кіламетровай дыстанцыі ў жаночай індывідуальнай гонцы і мас-старце. Сённяшняе срэбра стала першым медалём беларускі на Алімпіядзе ў Пхенчхане.