МІНСК, 21 лют — Sputnik. Вялікі тэатр оперы і балета завёў канал у Telegram, паведамілі Sputnik у прэс-службе тэатра.
Цяпер Вялікі тэатр прадстаўлены амаль ва ўсіх сацыяльных сетках — Twitter, Facebook, Instagram, YouTube, "УКантакце", "Аднакласнікі" і Telegram.
"Зараз навіны, фотаздымкі, відэа- і аудыяматэрыялы галоўнага музычнага тэатра краіны гледачы могуць убачыць там, дзе гэта больш зручна для іх", — падкрэслілі ў тэатры.
Стваральнікі абяцаюць не толькі публікаваць самыя цікавыя навіны з жыцця Вялікага тэатра, але і праводзіць для карыстальнікаў віктарыны і розыгрышы.