МІНСК, 27 лют — Sputnik. Фатаграфіі з фондаў розных беларускіх музеяў прадставяць на выставе "Беларусь у Першай сусветнай вайне. Брэсцкі мір" у Нацыянальным гістарычным музеі, паведамілі Sputnik арганізатары.
"У чатырох раздзелах выставы апавядаецца пра лёсы простых людзей, падхопленых віхорам гісторыі. Дакладныя копіі фотасведчанняў той эпохі паказваюць мірны і ваенны час, жыццё гарадоў і вёсак, раскрываюць планы стварэння новага тэрытарыяльнага аб'яднання "Ober Ost", ілюструюць выпрабаванні соцен тысяч бежанцаў, якіх вайна вымусіла пакінуць свае дамы", — патлумачылі ў музеі.
У экспазіцыі будуць прадстаўленыя фотаздымкі з Гродзенскага дзяржаўнага гісторыка-археалагічнага музея, Лідскага гісторыка-мастацкага музея, а таксама з прыватных калекцый Уладзіміра Багданава і Уладзіміра Ліхадзедава.