МІНСК, 12 сак – Sputnik. Першы гарадскі культурна-лінгвістычны фестываль "Multi-Culti" пройдзе 16-17 сакавіка ў Мінску, пра гэта Sputnik паведамілі ў Мінскім дзяржаўным палацы дзяцей і моладзі.
Фестываль прымеркаваны да Сусветнага дня шчасця, у ім прымуць удзел навучэнцы Лінгвагуманітарнага каледжа і творчыя студэнцкія калектывы МДЛУ, БДПУ і БДУКМ.
Галоўнай мэтай фестывалю з'яўляецца садзейнічанне фармаванню асяроддзя для развіцця міжкультурных камунікацый. Удзельнікі фестывалю будуць мець магчымасць праявіць свае моўныя і творчыя здольнасці, у мерапрыемстве паўдзельнічаюць як сольныя выканаўцы, так і харавыя калектывы, а таксама ўдзельнікі адукацыйных курсаў і студэнцкіх тэатраў.
У праграме фестывалю:
- спектакль "Чыгунка" сямейнага інклюзіў-тэатра "i" (16 сакавіка, 19:00);
- эксперыментальны трохгадзінны спектакль для дарослых "Добры чалавек з Сычуані" (16+) тэатра-студыі "Адкрытая прастора" (17 сакавіка, 19:00).
На фестывалі "Multi-Culti" таксама пройдуць майстар-класы, якія дэманструюць уплыў гуку на чалавека, "Музыка — мова Сусвету".