МІНСК, 5 кра — Sputnik. Мінскія фантаны пачнуць працаваць 27 красавіка, супрацоўнікі "Мінскзелянбуда" займаюцца падрыхтоўкай фантанаў да новага сезону — перад запускам трэба ачысціць чашы і падрыхтаваць інжынернае абсталяванне.
Фантаны не ўключаюць у дажджлівае надвор'е і пры тэмпературы ніжэй за 15 градусаў цяпла. У дзень адкрыцця сезона фантанаў пройдзе канцэрт.
Фантаны ў Мінску працуюць у буднія дні — з 9 да 22 гадзін, у выхадныя і святочныя дні — з 8 да 23 гадзін. Усяго ў Мінску каля шасцідзесяці фантанаў. На балансе "Мінскзелянбуда" — прыкладна палова.
Самы вялікі ў горадзе фантан з 1300 бруй знаходзіцца на Кастрычніцкай плошчы справа ад Палаца Рэспублікі. Самы вышынны — на канале у раёне вуліцы Філімонава ля Нацыянальнай бібліятэкі. Вышыня бруі дасягае 20 метраў. А самы стары фантан "Хлопчык з лебедзем" у Купалаўскім скверы адрэстаўравалі ў 2016 годзе — фантан быў заснаваны яшчэ ў 1874 годзе.