МІНСК, 21 кра — Sputnik. Рэспубліканскі суботнік пад знакам малой радзімы праходзіць сёння ў Беларусі.
З самай раніцы над уборкай тэрыторыі мемарыяльнага комплексу "Курган Славы" працавалі дзясяткі людзей, перадае карэспандэнт Sputnik.
Усе ўдзельнікі працавалі граблямі, чысцілі траву ад смецця і леташняга лісця.
Курган Славы — помнік Вялікай Айчыннай вайны, ён знаходзіцца ў Смалявіцкім раёне. Менавіта ў гэтых месцах у ліпені 1944 года падчас наступальнай аперацыі "Баграціён" у акружэнне патрапіла 150-тысячная групоўка гітлераўскіх войскаў.
Гэта падзея атрымала назву "Мінскі кацёл". Разгром групоўкі завяршыўся 11 ліпеня і стаў яшчэ адным вырашальным крокам на шляху да вызвалення Беларусі.
Усяго на Міншчыне падчас суботніка працуюць больш за паўсотні спецыялістаў Мінскага раённага аб'яднання прафсаюзаў, прадстаўнікі абласных і гарадскіх галіновых прафсаюзаў.
Падчас Рэспубліканскага суботніка будуць добраўпарадкаваны тэрыторыі населеных пунктаў, прывядуць у парадак мемарыялы, помнікі, а таксама высадзяць маладыя лясы і алеі.
На суботнік прэзідэнт Беларусі Аляксандр Лукашэнка адправіўся працаваць у Александрыю.