МІНСК, 23 кра — Sputnik. Беларускія санаторыі ў 2017 годзе прадалі больш за 525 тысяч пуцёвак, з іх звыш 200 тысяч купілі замежнікі, паведаміў дырэктар Рэспубліканскага цэнтра па аздараўленні і санаторна-курортным лячэнні насельніцтва Генадзь Балбатоўскі.
Паводле яго слоў, беларускія санаторыі становяцца больш запатрабаванымі ў грамадзян краін Еўрапейскага саюза, але, тым не менш, да 90% пуцёвак па-ранейшаму купляюць расіяне.
"У гэтым годзе ў бязвізавую зону будуць уваходзіць восем санаторыяў на тэрыторыі Брэсцкай і Гродзенскай абласцей. Мы бачым попыт з боку жыхароў заходніх краін", — адзначыў Балбатоўскі.
Найбольшую цікавасць да адпачынку ў Беларусі праяўляюць грамадзяне Польшчы, Літвы, Латвіі, Эстоніі і Германіі.
Колькі прыйдзецца заплаціць за дзіцячы адпачынак
У бягучым годзе плануецца, што на адпачынак у беларускія санаторыі адправяцца каля 374 тысяч дзяцей. На гэтыя мэты выдзелена 42 мільёны рублёў. Для адпачынку на 9 дзён з дзённым знаходжаннем прадугледжана датацыя ў памеры 80% ад кошту пуцёўкі, для лагераў з кругласутачным знаходжаннем — 40%.
Васемнаццаць дзён кругласутачнага адпачынку абыйдзецца ў 185 рублёў, толькі дзённае знаходжанне каштуе танней — 76 рублёў. У профільны аздараўленчы лагер адправіць дзіця на 9 дзён з кругласутачным знаходжаннем можна са зніжкай у 79 рублёў. Зніжка ў спартыўна-аздараўленчы лагер на 18 дзён складзе 205 рублёў.