МІНСК, 15 мая — Sputnik. Беларусь можа дамовіцца аб спрашчэнні візавага рэжыму з Еўрасаюзам да канца гэтага года, заявіў у аўторак журналістам начальнік дэпартамента па міграцыі і грамадзянству МУС Аляксей Бягун.
Беларусь працягвае перамовы з Еўрасаюзам па спрашчэнні візавага рэжыму. Мяркуецца, што пасля яго падпісання шэнгенскія візы стануць для беларусаў танней, а атрымліваць іх будзе лягчэй.
"Кансультацыі з ЕС завершым да канца гэтага года", — паведаміў Бягун.
Падрыхтоўка да падпісання дакумента таксама можа быць завершана ў гэтым годзе.
Сёння бакам застаецца ўладзіць толькі нязначныя аспекты пагаднення.
Раней Еўрасаюз ставіў умовай для спрашчэння візавага рэжыму падпісанне Беларуссю пагаднення аб рэадмісіі. Таксама бакі дамаўляліся па пытаннях бяспекі дыпламатычных пашпартоў.