МІНСК, 24 мая — Sputnik. Мінчанін прынёс у банк 8400 манет наміналам у адну капейку, паведамляецца на старонцы "Альфа-Банк" у Facebook.
Жыхар сталіцы прыйшоў у адно з аддзяленняў банка 23 мая з 13 кілаграмамі грошай. Менавіта столькі важаць 8436 манет наміналам у адну капейку.
Каб палічыць усе грошы, спатрэбілася спецыяльная машына. Гэты працэс заняў 15 хвілін.
Усю суму — 84 рублі — мужчына паклаў на сваю картку.
Ён растлумачыў, што першапачаткова хацеў сабраць тысячу манет, але не змог спыніцца, і праз паўтара года капейкі запоўнілі ўсе свабодныя скарбонкі ў доме.