ВАРШАВА, 28 мая — Sputnik. Польскі бок шануе дапамогу Расіі ў фінансаванні рэканструкцыі месцаў пахаванняў савецкіх воінаў у Польшчы, заявіў дырэктар Бюро ўвекавечання барацьбы і пакутніцтва Інстытута нацыянальнай памяці Адам Сівек.
Як стала вядома Sputnik, улады Польшчы вылучаюць парадку 6 мільёнаў злотых на догляд вайсковых пахаванняў, уключаючы і магілы байцоў Чырвонай арміі. Расія таксама прымае ўдзел у фінансаванні, за гэта адказвае пасольства РФ у Польшчы.
"Мы вельмі цэнім расійскі ўклад у догляд магіл савецкіх воінаў", — сказаў Сівек.
Ён удакладніў, што расійскі бок робіць упор на знакавыя пахаванні, такія як могілкі-мемарыял у Варшаве, могілкі савецкіх воінаў і ваеннапалонных у Пултуску і іншыя.
Помнікі-танкі Т-34 у Драўска-Паморску вырашылі пакінуць
Помнік у выглядзе двух танкаў Т-34 у польскім Драўска-Паморску вырашылі не зносіць, заявіў Адам Сівек.
Танкі з'яўляюцца часткай помніка, прысвечанага вызваленню горада ад нацыстаў, і гарадская грамадскасць раней выступіла супраць зносу.
"Пакінулі", — сказаў Сівек ў адказ на пытанне, што ж стане з двума "трыццацьчацвёркамі", якія збіраліся прыбраць з пастаментаў у рамках закона аб дэкамунізацыі.
Дырэктар бюро таксама агучыў асноўныя крытэрыі адбору помнікаў, якія трапяць пад знос у рамках гэтага закона.
"Серп і молат, герб СССР, чырвоныя сцягі — прапаганда камуністычнага рэжыму", — сказаў Сівек.
Ён адзначыў, што на могілкі, дзе пахаваныя байцы Чырвонай Арміі, закон аб дэкамунізацыі не распаўсюджваецца.
"Чырвоная зорка з'яўляецца сімвалам пахаваных савецкіх салдат", — удакладніў дырэктар бюро.
Sputnik рыхтуе вялікі рэпартаж аб пахаваннях савецкіх воінаў на тэрыторыі Польшчы. Сачыце за абнаўленнямі партала.