МІНСК, 29 мая — Sputnik. Міжнародны алімпійскі дзень пройдзе ў Мінску па 35 відах спорту, свята адбудзецца 2 чэрвеня, заявіў начальнік аддзела па развіцці алімпійскага руху НАК Беларусі Дзмітрый Даўгалёнак, паведамілі ў прэс-службе НАК.
Спартыўна-забаўляльныя мерапрыемствы, прымеркаваныя да Міжнароднага алімпійскага дня, пройдуць на базе САК "Алімпійскі" ў Мінску. Раней паведамлялася, што на свяце будуць прадстаўлены 25 відаў спорту і ў ім прымуць удзел знакамітыя атлеты.
"Многія федэрацыі таксама выказалі жаданне далучыцца да свята НАК. Ужо вядома дакладная колькасць відаў спорту, якія будуць прадстаўлены 2 чэрвеня, — 35", — заявіў Даўгалёнак.
Ён растлумачыў, што САК "Алімпійскі" выбраны невыпадкова для правядзення маштабнага спартыўнага мерапрыемства. Па словах Даўгалёнкі, комплекс зможа змясціць усіх жадаючых далучыцца да свята.
Даўгалёнак звярнуў увагу, што канцэпцыя Міжнароднага алімпійскага дня ў гэтым годзе — свята для дзяцей. "Дата свята сёлета была абраная невыпадкова. Дзеці яшчэ не паспеюць раз'ехацца па летніх лагерах. На Алімпійскім дне яны змогуць атрымаць усю інфармацыю аб школах і клубах па тых відах спорту, якія іх зацікавілі", — растлумачыў ён.
Нягледзячы на летняе надвор'е, на свяце будуць прадстаўлены і зімовыя віды спорту, сярод якіх хакей, біятлон, кёрлінг і канькабежны спорт.