МІНСК, 1 чэр — Sputnik. Прыём заявак для ўдзелу ў нацыянальным адборы на дзіцячы конкурс песні "Еўрабачанне 2018" стартуе ў Беларусі, паведамілі Sputnik у прэс-службе Белтэлерадыёкампаніі.
Дзіцячае "Еўрабачанне 2018" пройдзе 25 лістапада 2018 года ў беларускай сталіцы. Зараз працягваецца падрыхтоўка да правядзення маштабнага шоу — рэспубліку рэгулярна наведваюць прадстаўнікі Еўрапейскага вяшчальнага саюза.
У пятніцу стала вядома аб тым, што Белтэлерадыёкампанія дае афіцыйны старт адбору прадстаўніка рэспублікі на "хатнім" конкурсе.
Да 29 чэрвеня маладыя артысты ва ўзросце ад дзевяці да 14 гадоў павінны накіроўваць заяўкі ў адрас арганізатараў адбору. Па правілах конкурса, песня не павінна быць публічна выкананая да 1 мая гэтага года.
Тэкст конкурснай песні павінен быць на рускай або беларускай мове, магчыма выкарыстанне і замежнай — не больш за 40% аб'ёму.
"Вынікі адборачнага тура падводзяцца прафесійным журы не пазней за 7 ліпеня 2018 года. Па выніках адборачнага тура прафесійнае журы вызначае ад сямі да дзесяці ўдзельнікаў для ўдзелу ў фінале праекта", — адзначылі ў Белтэлерадыёкампаніі.
Фінал адбору на дзіцячае "Еўрабачанне" адбудзецца не пазней за 15 верасня ў фармаце гала-канцэрта. Галасаваць за пераможцу будуць як члены журы, так і тэлегледачы.
Больш падрабязна аб правілах адбору і ўмовах удзелу можна прачытаць на сайце Белтэлерадыёкампаніі.
Беларусь прымае ўдзел у дзіцячым "Еўрабачанні" з 2003 года. Двойчы прадстаўнікі рэспублікі перамагалі на шоу: у 2005 (Ксенія Сітнік) і 2007 (Аляксей Жыгалковіч). Маладыя беларускія выканаўцы традыцыйна займаюць высокія месцы ў праекце.