МІНСК, 4 чэр — Sputnik. Дакладнасць прагнозаў надвор'я ў рэспублiцы дасягае 96,3%, паведаміў у панядзелак журналістам міністр прыродных рэсурсаў і аховы навакольнага асяроддзя Андрэй Худык.
Дакладнасць беларускіх прагнозаў надвор'я восенню мінулага года выклікала крытыку прэзідэнта Аляксандра Лукашэнкі. Пасля заўваг кіраўніка дзяржавы над апраўдвальнасцю прагнозаў працягваюць працаваць.
"Апраўдвальнасць прагнозаў надвор'я па абласных цэнтрах і Мінску дасягае 96,3%", — расказаў міністр.
У цэлым па абласцях дакладнасць прагнозаў крыху менш — 94-95%.
Па словах міністра, на якасць прагнозаў уплывае шэраг фактараў.
"(Гэта адбываецца — Sputnik) ад зладжанасці работы супрацоўнікаў Белгідрамета, унутранага рэзерву, паляпшэння дысцыпліны", — адзначыў Худык.
Развіваюць і матэрыяльна-тэхнічную базу Белгідрамета. Так, інвестыцый у структуру ад дзяржавы выдзелена каля 25,6 мільёна рублёў, а на працягу года адкрыюцца новыя сучасныя станцыі.