У праваслаўных вернікаў 4 чэрвеня пачынаецца Пятроў, ці Апостальскі пост — ён усталяваны ў памяць пра пост вучняў Ісуса перад евангельскай пропаведдзю ўсяму свету.
Дата пачатку Пятрова паста — гэта панядзелак праз тыдзень пасля Тройцы. Троіца ж заўсёды выпадае на розныя дні, так як залежыць ад Вялікадня, таму пачатак і працягласць посту штогод неаднолькавыя.
У 2018 годзе пост будзе доўжыцца 38 дзён: з 4 чэрвеня па 11 ліпеня (апошні дзень самога посту), сканчаецца жа перыяд 12 ліпеня ў дзень памяці святых Пятра і Паўла. Свята не ўваходзіць у сам пост. Максімальная працягласць Апостальскага посту — 42 дні.
Што да адмовы ад некаторай ежы, Пятроў пост не з'яўляецца строгім. Нягледзячы на тое, што мяса, яйкі і малочныя прадукты ёсць нельга, ва ўсе дні посту, акрамя серады і пятніцы, можна ўжываць рыбу.
Калі свята святых апосталаў Пятра і Паўла выпадае на сераду або пятніцу, то пост неабходна трымаць. У гэтым годзе 12 ліпеня — чацвер.