МІНСК, 4 чэр — Sputnik. У Парк высокіх тэхналогій прынята 56 новых рэзідэнтаў, цяпер рэзідэнтамі Парку з'яўляюцца 293 кампаніі. Такім чынам за першае паўгоддзе 2018-га колькасць кампаній-рэзідэнтаў павялічылася на траціну.
Такі імклівы рост эксперты звязваюць з уступленнем у сілу дэкрэта прэзідэнта №8, які істотна спрасціў умовы для ўваходу ў ПВТ.
Сярод новых рэзідэнтаў ПВТ — кампаніі, якія вырабляюць робатаў, развіваюць кіберспорт, распрацоўваюць тэст-сістэмы для малекулярнай ідэнтыфікацыі хвароб чалавека, ствараюць 3D-анімацыю. У Парку з'явіліся не толькі сталічныя, але і рэгіянальныя прадпрыемствы з абласных цэнтраў Беларусі.
Пашыраецца і геаграфія інвестыцый рэзідэнтаў ПВТ — у іх удзельнічае капітал з Расіі, ЗША, Канады, Чэхіі, Літвы.
Дзякуючы таму, што былі істотна пашыраны віды дзейнасці для прыняцця ў ПВТ, кампаніі маюць магчымасць павялічваць экспартныя абароты, больш эфектыўна прасоўваючы праграмныя прадукты, аказваючы маркетынгавыя і рэкламныя паслугі.