МІНСК, 16 чэр — Sputnik. Масавы занятак ёгай прайшоў раніцай у суботу ў мінскім парку імя М. Горкага, паведамляе карэспандэнт Spitnik.
Такім чынам мінчане адзначылі Міжнародны дзень ёгі — святочнае мерапрыемства ўжо чацвёртае лета запар арганізуе Пасольства Індыі ў Беларусі.
Усе жадаючыя маглі далучыцца да свята з 9 раніцы да 12 гадзін. Адзіная ўмова — трэба была захапіць свой дыванок.
У праграме мерапрыемства былі дыхальныя, медытатыўныя практыкаванні, Сур'я Намаскар чэленж — комплекс з 54 ці 27 падыходаў. Самыя ўстойлівыя ўдзельнікі былі ўзнагароджаны.
У суботу пазаймацца ёгай змаглі нават дзеці — ім прэзентавалі спецыяльны комплекс.
Практыкаванні дэманстраваў спецыяліст з Індыі і прафесійныя інструктары, якія працуюць у сталічных школах ёгі.
На свята ёгі ў пахмурны дзень зазірнуў і старшыня Мінгарвыканкама Андрэй Шорац.
Раніцай у парк, дзе панавала атмасфера здароўя і гармоніі, прыходзілі цэлымі сем'ямі. У спецыяльна абсталяванай зоне можна было зрабіць яркія здымкі на памяць і атрымаць падарункі.