Генеральная рэпетыцыя парада да Дня Незалежнасці прайшла ў Мінску напярэдадні, прымаў разлікі Міністр абароны Беларусі Андрэй Раўкоў.
Упершыню ў ваенным парадзе ў Мінску прымае ўдзел "жаночы полк", а таксама ваенныя з Кітая.
Усяго на парадзе ў складзе 19 пешых парадных разлікаў і 23 парадных разлікаў ваеннай тэхнікі прымуць удзел каля 4000 вайскоўцаў і больш за 250 адзінак баявой тэхнікі.
Па традыцыі ў ваенным парадзе прымуць удзел і вайскоўцы з Расіі.
Дзень Незалежнасці ў рэспубліцы адзначаюць максімальна шырока: у Мінску праходзіць парад, а па ўсёй краіне — народныя гулянні з абавязковым святочным салютам.