МІНСК, 23 ліп — Sputnik. Сталі вядомыя прахадныя балы на біялагічны, хімічны і фізічны факультэты Белдзяржуніверсітэта, а таксама на некаторыя спецыяльнасці МГЭІ імя Сахарава, паведамілі Sputnik у прэс-службе ВНУ.
Вынікі ўступнай кампаніі на бюджэт працягваюць падводзіць беларускія ВНУ: залічэнне ў іх будзе доўжыцца да 28 ліпеня. Чарговае пасяджэнне прыёмнай камісіі адбылося ў галоўнай ВНУ краіны ў панядзелак — прайшло залічэнне на біялагічны, хімічны і фізічны факультэт, а таксама на некаторыя спецыяльнасці МГЭІ імя А. Д. Сахарава.
Прахадны бал на біяфак у параўнанні з мінулым годам вырас і склаў 308 (у 2017-м — 284). Самы высокі бал склаўся на "Біялогію" (напрамак — біятэхналогія) — 323. На "Біяхімію" патрабаваўся 321 бал, "Мікрабіялогія" — 314, на спецыяльнасці "Біялогія (напрамак — навукова-вытворчая дзейнасць)" і "Біяэкалогія" — 308.
На хімічны факультэт прахадны бал, наадварот, знізіўся: склаў 287 супраць леташніх 313. Найбольш высокія балы былі на "Хіміі лекавых злучэнняў" — 356. На іншыя спецыяльнасці балы — ад 287.
Упалі прахадныя балы і на частку спецыяльнасцяў фізічнага факультэта: сярэдні паказчык па фізфаку ў гэтым годзе склаў 221, у 2017-м было 244. Найбольш высокія балы — на "Камп'ютарную фізіку", 285 з 400. Самы нізкі — на "Фізіку" (напрамак — кіраўнічая дзейнасць), 221 бал.
Амаль на 50 балаў знізіўся паходнай бал на "Медыцынскую фізіку" і "Ядзерную і радыяцыйную бяспеку" у МГЭІ імя Сахарава — 195 супраць леташніх 244.