МІНСК, 31 ліп — Sputnik. Другое штармавое папярэджанне аб'яўлена ў Беларусі на аўторак 31 ліпеня з-за навальніц і шквалістага ветру, паведамілі Sputnik у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Напярэдадні аранжавы ўзровень небяспекі ў краіне абвясцілі з-за гарачага надвор'я.
"Сёння ў перыяд з 15:00 да 21:00 па паўднёвым захадзе краіны чакаюцца навальніцы", — сказалі ў Гідрамеце.
Там таксама ўдакладнілі, што пры навальніцах месцамі вецер можа ўзмацніцца да шквалістага — яго парывы могуць дасягаць хуткасці 15-20 метраў у секунду.
Як раней праінфармавалі сіноптыкі, спякотнае надвор'е захаваецца ў Беларусі ў бліжэйшыя дні: месцамі слупок тэрмометра днём будуць падымацца вышэй за +30°С.