МІНСК, 24 жні — Sputnik. Драўляную канструкцыю XIV стагоддзя знайшлі археолагі падчас раскопак на Старым замку ў Гродне, паведамілі ў Гродзенскім гісторыка-археалагічным музеі.
"Канструкцыяй аказалася пабудова канца XIV стагоддзя, якая падзяляецца на жылое памяшканне і памяшканне гаспадарчага прызначэння. Падлога зроблена з габляваных дошак шырынёй да 40 см", — патлумачылі спецыялісты.
Разам з драўлянымі рэшткамі былі знойдзены донцы ад бочкі, драўляная лапата для выемкі хлеба з печы, фрагмент хамума, металічныя ўпрыгажэнні, а таксама арбалетныя балты, пласціна даспеха, рыбалоўны кручок і іншыя рэчы.
Усе знаходкі былі закансерваныя для далейшага вывучэння.
Археолагі пачалі разбіраць драўляную канструкцыю і знайшлі там яшчэ адну канструкцыю больш ранняга перыяду. Яе прызначэнне спецыялісты пакуль вызначаюць.
"Адшуканне падобных аб'ектаў у добрым стане — дастаткова рэдкая з'ява для археалагічных помнікаў на тэрыторыі Беларусі", — падкрэслілі ў музеі.