МІНСК, 10 вер — Sputnik. Па выніках пяці дзён міжнароднага конкурсу пераможцам стаў выканаўца Дан Розін, які прадстаўляў Расію.
Другое месца паміж сабой падзялілі два выканаўцы: Дар'я Антанюк і Геворг Аруцюнян (Gevorg Harutyunyan) з Арменіі. Трэцяе месца дасталося грэчаскай спявачцы Demy.
Міжнародны конкурс маладых выканаўцаў "Новая хваля" праходзіў у Сочы з 4 па 9 верасня. Удзельнікамі конкурсу сталі 15 маладых артыстаў з дзесяці краін свету.
Конкурс праводзіўся ў Сочы ўжо чацвёрты раз, да гэтага ён праходзіў у Юрмале. Прызавы фонд склаў 7 мільёнаў рублёў.
У рамках "Новай хвалі" на сцэне New Wave Hall (Алімпійскі парк) прайшлі творчыя вечары групы A`Studio, Уладзіміра Праснякова, Ірыны Алегравай. Паводле звестак арганізатараў, канцэртныя пляцоўкі за час фестывалю наведала больш за 35 тысяч чалавек.