Карласан, Сярдзючка і Мікі Маус: яркія вобразы карнавала ў Давыд-Гарадку

Давыд-Гарадок Столінскага раёна Брэсцкай вобласці славіцца сваім мясцовым карнавалам – святам "Конікі". Яно пайшло з вясковага звычаю шчадравання з канём.

Па сваіх рытуалах свята вельмі падобнае на калядаванне, але галоўным персанажам тут з’яўляецца Конь, а не Каза. Суправаджаюць Коніка Дзед з Бабай, Мядзведзь, Воўк, Баран, Ліса і Заяц, Чорт і Баба Яга, Цыган і Цыганка з дзіцём і многія іншыя персанажы, сярод якіх шмат герояў сучысных казак, мультфільмаў і песень.

Вясёлая працэсія рухаецца па горадзе, танчыць, спявае песні і заходзіць да людзей ў дамы. Іх сустракаюць прысмакамі і падарункамі. Свята доўжыцца да позняга вечара і завяршаецца на гарадской плошчы.

Якія персанажы шпацыравалі па Давыд-Гарадку ў гэтым годзе, глядзіце ў фотастужцы Sputnik.

Глядзіце таксама:

1 / 14

Свята "Конікі" праходзіць у Давыд-Гарадку штогод.

2 / 14

Яно чымсьці падобнае да Калядак, але замест Казы па хатах ходзіць Конік.

3 / 14

Разам з Конікам шчадруюць самыя розныя персанажы - Баба з Дзедам, Мядзведзь, Воўк і Цыган з Цыганкай.

4 / 14

Зараз па хатах ходзяць таксама сучасныя персанажы, напрыклад, Верка Сярдзючка...

5 / 14

... і Мікі Маус.

6 / 14

Вясёлая працэсія ходзіць па горадзе, спявае песні і танчыць.

7 / 14

Каля некаторых дамоў удзельнікі свята спыняюцца.

8 / 14

Іх сустракаюць прысмакамі і падарункамі.

9 / 14

Калядоўшчыкі жадаюць гаспадарам здароўя і дабрабыту.

10 / 14

Чым весялей танчаць калядоўшчыкі, тым лепей будзе год.

11 / 14

Гукі музыкі можна пачуць у любым кутку горада.

12 / 14

Завяршаецца свята познім вечарам.

13 / 14

Калядоўшчыкі і звычайныя жыхары горада збіраюцца на галоўнай плошчы Давыд-Гарадка, дзе таксама не заканчваюцца песні і музыка.

14 / 14

Што не кажы, а беларусы ўмеюць весяліцца.