МІНСК, 4 лют - Sputnik. Беларускі спартсмен Уладзімір Самсонаў прайграў фінальны матч Кубка Еўропы топ-16, які праходзіў у Швейцарыі.
У фінале беларус сустракаўся з прадстаўніком Германіі Дзмітрыем Аўчаровым. Самсонаў саступіў саперніку з лікам 3:4 (11:6, 8:11, 3:11, 16:14, 11: 6, 7:11, 10:12). У сёмым вырашальным сэце беларус быў у кроку ад перамогі - 10:8, аднак супернік змог выйграць чатыры ачкі запар і перамагчы.
Нагадаем, у 1/8 фіналу Самсонаў перайграў грэка Панаётыса Г'ёніса з лікам 4:1, у чвэрцьфінале з аналагічным вынікам абышоў спартсмена з Румыніі Авідыу Іанэску. У паўфінальным матчы беларус аказаўся мацнейшым за аўстрыйца Даніэля Хабесона.
Уладзімір Самсонаў чатыры разы атрымліваў перамогу ў гэтых прэстыжных спаборніцтвах: у 1998, 1999, 2001 і 2007 гадах, а ў мінулым годзе заняў чацвёртую пазіцыю.