МІНСК, 27 лют - Sputnik. Беларуская тэнісістка Вікторыя Азаранка (№50 у рэйтынгу WTA) выйшла ў другі круг турніру ў мексіканскім Акапулька, паведамляе Sputnik.
У паядынку 1/16 фіналу адзіночнага разраду беларуска не пакінула шанцаў прадстаўніцы ЗША Даніэль Колінз (25) - 6:1, 6:2.
У 1/8 Азаранка сустрэнецца з немкай Таццянай Марыяй (69).
Напярэдадні экс-першая ракетка свету святкавала поспех у парным разрадзе: разам з кітаянкай Чжэй Сайсай у 1/8 фіналу яна адолела інтэрнацыянальны дуэт Сабрына Сантамарыя (ЗША) - Алекса Гуарачы (Чылі) з лікам 7:6 (7:3), 6:3.
За выхад у паўфінал Азаранка і Сайсай пазмагаюцца з немкай Лаурай Зігемунд і брытанкай Ёхана Конці.
Азаранка вярнулася ў Акапулька праз тры гады - у 2016 годзе яна прайшла ў 1/8, але далей не змагла працягнуць выступ з-за траўмы рукі.
У мінулым годзе турнір у Акапулька выйграла ўкраінская тэнісістка Леся Цурэнка.