МІНСК, 23 мая - Sputnik. Першыя грыбы з'явіліся ў лясах Беларусі ўжо ў канцы мая, аб першым плёне ціхага палявання суайчыннікі расказваюць у сацыяльных сетках.
Традыцыйна раней, чым у іншых абласцях рэспублікі, першыя грыбы з'явіліся ў лясах Брэсцкай вобласці. Па словах жыхароў паўднёвай часткі краіны, маладыя баравікі яны заўважылі ўжо на пачатку гэтага тыдня, прычым іх можна было ўбачыць як паасобку, так і цэлымі "сямействамі".
Меркавана ранняе з'яўленне грыбоў звязана з багатымі ападкамі, якія прайшлі ў Брэсцкай вобласці на мінулым тыдні, і па-летняму цёплым надвор'ем: як правіла, першыя вясновыя баравікі з'яўляюцца ў рэспубліцы толькі ў сярэдзіне чэрвеня.
У мінулым годзе з-за анамальна засушлівых канца вясны і пачатку лета сяльгаспрадпрыемствы і лясніцтвы сутыкнуліся з праблемай зніжэння ўраджаю: так, ягады сталі збіраць толькі ў першых днях ліпеня, на месяц ссунуўся і грыбны сезон.
Як паведамлялі спецыялісты, з-за засухі грыбы масава сталі з'яўляцца ў лясах Беларусі толькі бліжэй да сярэдзіны ліпеня: тады аматары ціхага палявання заўважылі ў Мінскай вобласці не толькі баравікі, але і першыя лісічкі, падбярозавікі і апенькі.
Чытайце таксама:
- Звыклыя рэчы па-беларуску: назвы грыбоў
- Табакерка на абед, або Як гатаваць порхаўкі