Нарэшце дачакаліся: свята роднай ежы прайшло ў Мінску

Упершыню свята роднай ежы "Усё Сваё " прайшло ў панадворку Нацыянальнага гістарычнага музея ў мінулым годзе. Мінчане ўпадабалі смачнае мерапрыемства і, мяркуючы па колькасці наведвальнікаў, чакалі новага сезону з нецярпеннем.

Беларускія фермеры традыцыйна прывезлі пакаштаваць самаробныя прадукты. На гэты раз у меню акрамя смаўжоў па-бургундску, варэння з перца чылі, цукерак, пернікаў і мёду было шмат хлеба і сыру. Складваецца адчуванне, што сярод беларускіх народных кухараў 80% – пекары і сыравары.

Сярод добрых традыцый "Усё Сваё " – танцы, спевы і жывы куточак, дзе ў гэтым годзе было казляня і кураняты. Арганізатары хацелі прывезі вожыка, але ён уначы ўцёк.

Як прайшло самае смачнае беларускае свята, глядзіце ў фотастужцы Sputnik.

Глядзіце таксама:

Варэнне-чылі, смаўжы і плоў: чым частавалі на свяце роднай ежы ў Мінску
Беларускае нацыянальнае вяселле зладзілі ў самым цэнтры Мінска

1 / 14

Першае свята роднай ежы прайшло ў Мінску ў мінулым годзе. Мінчане ўпадабалі мерапрыемства і цяпер збіраюцца ў панадворку Нацыянальнага гістарычнага музея задоўга да пачатку.

2 / 14

Беларускія фермеры з розных куткоў краіны традыцыйна прывезлі самаробныя прадукты.

3 / 14

Усе прысмакі можна не толькі набыць, але і пакаштаваць.

4 / 14

Адсюль ніхто не пойдзе галодным.

5 / 14

На гэты раз у меню акрамя смаўжоў па-бургундску, варэння з перца чылі, цукерак, пернікаў і мёду было шмат хлеба і сыру.

6 / 14

Складваецца адчуванне, што сярод беларускіх народных кухараў 80% – пекары і сыравары.

7 / 14

Уся прадукцыя - экалагічна чыстая, як і патрабуе рух slow food.

8 / 14

Акрамя традыцыйных беларускіх прысмакаў ёсць і дэлікатэсы, напрыклад, варэнне с перцу чылі і розныя вегетарыянскія прысмакі.

9 / 14

Асартымент такі вялікі, што галава ідзе кругам.

10 / 14

Сярод добрых традыцый "Усё Сваё " – танцы і спевы.

11 / 14

Забаўляюць гасцей удзельнікі народнага гурта "Варгін".

12 / 14

Яшчэ адзін традыцыйны пункт праграмы свята - жывы куточак.

13 / 14

У гэтым годзе тут было казляня і кураняты.

14 / 14

Арганізатары хацелі прывезці вожыка, але ён уначы ўцёк.