МІНСК, 24 ліп - Sputnik. Генеральнае консульства Беларусі адкрыецца ў горадзе Чунцын ў Кітайскай Народнай Рэспубліцы ў наступным годзе, адпаведная пастанова Саўміна была апублікавана на Нацыянальным прававым інтэрнэт-партале ў сераду.
Адкрыццё беларускага генконсульства ў Чунцыне прадугледжана пастановай Савета Міністраў ад 22 лiпеня 2019 года №480.
Згодна з дакументам, фінансаваць выдаткі на адкрыццё і ўтрыманне новага генконсульства даручана Міністэрству фінансаў "у межах сродкаў, прадугледжаных Міністэрству замежных спраў у рэспубліканскім бюджэце на адкрыццё і ўтрыманне дыпламатычных прадстаўніцтваў і консульскіх устаноў Беларусі за мяжой".
Нагадаем, генеральныя консульствы Беларусі ў КНР ўжо функцыянуюць у такіх гарадах, як Гуанчжоу і Шанхай.
Буйны горад Чунцын размешчаны ў цэнтральнай частцы рэспублікі, ён з'яўляецца цэнтрам чыгуначных зносін Кітая з Еўропай. У ім пражывае звыш 30 мільёнаў чалавек.
Чытайце таксама:
- Цэнтр вывучэння Беларусі пачаў працаваць у Кітаі
- Больш за 3 тысячы студэнтаў з Кітая вучацца ў Беларусі
- Беларуска-кітайскі інстытут будзе набіраць студэнтаў ужо ў гэтым годзе
- Лукашэнка: Беларусь заўсёды гатовая падтрымаць Кітай у любой сферы