МІНСК, 2 жні - Sputnik. Забег дабрачынцаў стартуе ад мінскага Палаца спорту 5 жніўня, паведамілі Sputnk арганізатары.
Дабрачынны забег Мінскага паўмарафон праводзіцца ў другі раз па ініцыятыве чатырох дабрачынных арганізацый: SOS-Дзіцячыя вёскі, Міжнароднага дабрачыннага фонду дапамогі дзецям "Шанец", установы "Каманда "Крылы анёлаў" і АБА "Беларускі дзіцячы хоспіс".
"У свеце масавы спорт і дабрачыннасць непадзельныя, і мы таксама бачым у спорце сілу, якую можна накіраваць на вырашэнне вострых сацыяльных праблем", - упэўнены старшыня ГА "Беларуская федэрацыя лёгкай атлетыкі" Вадзім Дзевятоўскі.
Забег дабрачынцаў паўторыць маршрут Мінскага паўмарафона-2019, толькі ў гэты раз удзельнікі пабягуць па тратуарах, строга выконваючы правілы дарожнага руху.
У мінулым годзе ў рамках забега Мінскага паўмарафона-2018 на краўдфандынгавай пляцоўцы было сабрана больш за 85 тысяч рублёў на фінансаванне чатырох праектаў арганізацый-удзельніц. Неабходную дапамогу атрымалі больш за 200 дзяцей.
Каб стаць удзельнікам забегу дабрачынцаў, зусім не абавязкова бегчы 21 кіламетр - можна далучыцца падчас руху і бегчы дыстанцыю па сілах.
Забег стартуе 5 жніўня, у 19:45 ад мінскага Палаца спорту. Прыняць удзел у забегу могуць усе жадаючыя, для гэтага трэба сабраць каманду, зрабіць дабрачынны ўнёсак у карысць аднаго або некалькіх праектаў Благозабега і зарэгістравацца на сайце Мінскага паўмарафона-2019.