МІНСК, 12 жні - Sputnik. Беларуская каманда заняла другое месца ў паўфінале конкурсу Армейскіх міжнародных гульняў - 2019 "Танкавы біятлон", паведамілі ў прэс-цэнтры гульняў.
Беларускія танкісты пераадолелі дыстанцыю за 1 гадзіну 345 хвілін 31 секунду.
Першае месца - у каманды Расіі, якой на праходжанне трасы хапіла 1 гадзіны 36 хвілін 31 секунды. Трэцяе месца ў мангольскіх танкістаў - яны прайшлі дыстанцыю за 1 гадзіну 58 хвілін 57 секунд. Чацвёртымі да фінішу эстафеты прыйшлі венесуэльцы з вынікам 2 гадзіны 10 хвілін 9 секунд.
Як удакладнілі ў прэс-цэнтры, двум расійскім экіпажам удалося разагнаць свае танкі да 80 і 82 км/г - гэта рэкорд хуткасці на спаборніцтвах.
У фінал "танкавага біятлону" выйшлі каманды Расіі, Беларусі, Казахстана і Азербайджана.
А беларускія снайперы выйшлі ў фінал конкурсу "Снайперскі рубеж", атрымаўшы перамогу ў парным заліку, паведамілі ў Мінабароны Беларусі. За медалі АрМІ ім трэба будзе спаборнічаць з калегамі з Казахстана, Расіі і Кітая.