Рэспубліканскі конкурс "Трыенале маладых мастакоў" прайшоў у гэтым годзе ўпершыню. На конкурс падалі заяўкі каля 299 мастакоў, мастацтвазнаўцаў, аўтараў куратарскіх праектаў. Адно з патрабаванняў – іх узрост не павінен перавышаць 31 год. Атборачная камісія пакінула 140 работ, якія можна ўбачыць у сталічным Палацы мастацтваў.
Ту прадстаўлены не толькі жывапіс, але і графіка, літаграфіі, скульптуры з бронзы і гіпсу, тэкстыльныя арт-інсталяцыі, выцінанка, разьба па дрэве і керамічныя вырабы.
Члены журы будуць вызначаць пераможцаў па васьмі намінацыях, сярод якіх "Скульптура", "Жывапіс", "Графіка" і іншыя. У кожнай будуць абіраць пераможцу сярод дыпламаваных спецыялістаў і творцаў, якія толькі атрымліваюць мастацкую адукацыю. Лепшых чакае грашовая прэмія ў памеры 60 базавых велічынь.
Абіраць пераможцаў будуць не толькі члены прафесійнага журы, але і наведвальнікі выставы, якая будзе экспанавацца да 25 жніўня. Любы жадаючы можа прагаласаваць за працу, якая спадабалася, каб яна стала намінантам на атрыманне Прыза глядацкіх сімпатый.
Арганізатары конкурса – Міністэрства культуры, Нацыянальны гістарычны музей, Беларуская дзяржаўная акадэмія мастацтваў і Беларускі саюз мастакоў.