МІНСК, 18 вер - Sputnik. Беларускія дзяржорганы плануюць стварыць камісію для абмеркавання Падатковага кодэкса Саюзнай дзяржавы, адпаведную інфармацыю Sputnik пацвердзілі ў сераду ў Міністэрстве фінансаў.
Дэталі далейшай інтэграцыі эканомік Беларусі і Расіі на гэтым тыдні апублікавала газета "Коммерсант". Сярод пунктаў, згаданых выданнем у якасці крокаў па далейшым развіцці супрацоўніцтва ў рамках Саюзнай дзяржавы, значылася і стварэнне адзінага Падатковага кодэкса дзвюх краін.
"У рамках работы даручэнняў урада плануецца стварыць камісію з зацікаўленых ведамстваў і прадстаўнікоў бізнесу па падрыхтоўцы прапаноў у рамках абмеркавання адзінага Падатковага кодэкса", - паведамілі ў Мінфіне Беларусі.
Беларусь і Расія працягваюць распрацоўку больш чым трох дзясяткаў дарожных карт па інтэграцыі, прадстаўлены яны павінны быць да 1 лістапада. Мяркуецца, што ў наступны год будзе працягнутая праца над узаемадзеяннем эканомік дзвюх краін, да стварэння адзінага рэгулятара энергетычнага рынку і агульнай мытнай палітыкі.
План інтэграцыі ў рамках Саюзнай дзяржавы Беларусі і Расіі прэзідэнты дзвюх краін могуць зацвердзіць да 8 снежня.