Хэйл прыляцеў у Мінск у мінулы аўторак. Намеснік кіраўніка Дзярждэпартамента правёў сустрэчы з кіраўніком МЗС Беларусі Уладзімірам Макеем і прэзідэнтам Аляксандрам Лукашэнкам - у прыватнасці, была дасягнутая дамоўленасць аб вяртанні паслоў.
На гэтым сустрэчы Хэйла не скончыліся: увечары ў аўторак у будынку пасольства сабраліся практычна ўсе ключавыя прадстаўнікі беларускай апазіцыі.
"Намеснік дзяржаўнага сакратара Хэйл сёння сустрэўся з беларускай апазіцыяй і грамадзянскай супольнасцю для таго, каб выказаць цвёрдую прыхільнасць ЗША абароне чалавечай годнасці і фундаментальных дэмакратычных прынцыпаў", - паведамілі ў пасольстве ЗША.
Акрамя лідараў шэрагу палітычных рухаў, на сустрэчы таксама былі першы кіраўнік суверэннай Беларусі Станіслаў Шушкевіч і дзеючая дэпутат Палаты прадстаўнікоў Алена Анісім.