Замілавальныя і дзёрзкія беларускія бабулі

Беларускія бабулі – шчырае сэрца нашага народа. Як і многія "калегі" з розных краін, яны ўмеюць весела бавіць час, шчыра сустракаць сваіх унукаў і вязаць самыя цёплыя ў свеце шкарпэтачкі.

Многія з іх жывуць у вёсках і дагэтуль захоўваюць традыцыі і абрады продкаў, перадаюць іх маладым пакаленням, каб памяць пра культуру і мову народа ніколі не знікалі.

У Міжнародны дзень пажылых людзей Sputnik вырашыў паказаць, што беларускія бабулі ні ў чым не саступаюць маладым прыгажуням. Яны такія ж замілавальныя, дзёрзкія, смяшлівыя і вельмі прыгожыя.

Увага: пасля прагляду гэтай фотастужкі вельмі хочацца патэлефанаваць бабулі.

Чытайце таксама:

1 / 16

Беларускія бабулі - шчырае сэрца нашага народа.

2 / 16

Беларускія бабулі любяць спяваць. На фота - народны калектыў падчас выступу на фестывалі традыцыйнай народнай культуры "Пятровіца" - гэты старажытны абрад прысвечаны яднанню з прыродай, ураджаю і каханню.

3 / 16

Многія бабулі дагэтуль захоўваюць веды пра беларускія народныя традыцыі і абрады, перадаюць іх маладому пакаленню. На фота - жанчыны спяваюць на фестывалі народнай кухні "У Пласток на квасок".

4 / 16

Абрад "Колік віць" на Веткаўшчыне. Гэта старажытны варыянт абраду, больш вядомага на Беларусі як "Ваджэнне і пахаванне Стралы". У вёсцы Прысна, што на Гомельшчыне, засталося толькі тры захавальніцы абраду.

5 / 16

У арсенале ў беларускай бабулі - цэлы стос калыханак, прыпевак і вясельных песень на ўсе жыццёвыя выпадкі.

6 / 16

Нягледзячы на вялікую колькасць разнастайнай тэхнікі, многія бабулі умеюць жаць жыта пры дапамозе сярпоў. Штогод яны выходзяць у поле разам з маладымі дзяўчатамі моляцца, спяваюць песні, просяць у зямлі і сонца добрага ўраджаю. На фота - жанчына падчас зажынак у вёсцы Жораўка.

7 / 16

Яшчэ адно абавязковае ўменне кожнай бабулі - частаваць усіх і усім, асабліва ўнукаў.

8 / 16

Толькі ўзгадайце: прыязджаеш да бабулі ў госці і нават не паспеў зайсці ў хату, як на стале ўжо з'яўляюцца розныя прысмакі.

9 / 16

Ну і як тут адмовішся? Нават дыета не ўратуе.

10 / 16

Умеюць нашы бабулі жартаваць ім весяліцца. На фота - бабуля падчас падману жаніха. На Беларусі спакон вякоў існавала традыцыя на месца нявесты садзіць бабулю і хаваць яе твар ад жаніха.

11 / 16

Самае галоўнае - не губляць бадзёрасці і аптымізму.

12 / 16

Толькі з усмешкай можна дажыць да ста гадоў. На фота - жыхарка Лынтупаў Валянціна Іванаўна Рыбцова падчас святкавання свайго стогадовага юбілею.

13 / 16

Беларускія бабулі - дзёрзкія і смелыя і лёгка бяруцца за любую працу. На фота - жыхарка Пастаўшчыны Генаэфа Гіляраўна Шчучко, якой у гэтым годзе споўнілася 101 год. Яна кажа, што "не адчувае сябе на свае гады" і можа папіліць дровы, займаецца шыццём і вяжа кручком.

14 / 16

Беларускі бабулі - сапраўдныя майстрыхі і рукадзельніцы.

15 / 16

А як узімку абыйсціся без шыкоўных шкарпэтачак, зробленых, як кажуць, з любоўю.

16 / 16

Беларускія бабулі - сапраўдныя прыгажуні! Хтосьці хоча паспрачацца?

Замілавальныя і дзёрзкія беларускія бабулі – фота