Фестываль кельцкай культуры "Самайн" сёлета пройдзе 26 кастрычніка ў Цэнтральным батанічным садзе. Галоўная мэта арганізатараў: зрабіць так, каб кожны змог стаць непасрэдным удзельнікам свята. Усяго чакаецца каля чатырох тысяч сапраўдных прыхільнікаў кельцкай культуры, распавёў Аляксандр Рак на прэс-канферэнцыі ў МПЦ Sputnik Беларусь.
"Будзе вельмі шмат інтэрактыву. На тыя ж гульні горцаў хацеў бы звярнуць асаблівую ўвагу. Можна ўдзельнічаць у індывідуальным і камандным заліку. Акрамя гэтага будзе ў нас лучная бітва. Гэта магчымасць беспакарана пастраляць адзін у аднаго з лука. Натуральна ўсё бяспечна, фактычна гэта аналаг лазертага і страйкбола. Але як па мне, драйву значна больш", - упэўнены Рак.
Абяцаюць арганізатары і насычаную культурную праграму. Ствараць святочны настрой будуць легенды фолк-сцэны PAWA, драйвовыя "Доходяги Бэнд", гурт "Всё_Crazy" са сваім выбухным кельцкім панкам і іншыя ўнікальныя і непаўторныя калектывы. Тым, хто вырашыць проста прыйсці і расслабіцца ў выхадны дзень, таксама знойдзецца занятак.
"Будуць у нас і квэсты, і вялікая колькасць фотазонаў. Тая ж лакацыя "Каменны век"- адсылка да Стоунхеджа, першым слядоў чалавечай дзейнасці. Будуць фудкорты, традыцыйны рынак рамеснікаў... Увогуле, абяцаем насычаную і класную праграму", - запэўніў Рак.
Поўную відэазапіс прэс-канферэнцыі з удзелам арганізатараў фестываля "Самайна" глядзіце на Sputnik Беларусь.
Чытайце таксама:
- Тэст: які вы беларускі нячысцік?
- Танцы з дэманамі і шатландскія баі: як сустрэлі Самайн у Батанічным у мінулым годзе
- Вужалка і Баламуцень: якім беларускім нячысцікам можна апрануцца на Хэлоўін