Місія назірання за выбарамі ў Палату прадстаўнікоў беларускага парламента ад Міжпарламенцкай асамблеі СНД у складзе 46 чалавек пачала сваю працу яшчэ да адкрыцця выбарчых участкаў і рознымі групамі наведала больш за 100 кропак галасавання, паведаміў у гутарцы на радыё Sputnik кіраўнік сакратарыята МПА СНД Дзмітрый Кабіцкі.
"Наогул наша маніторынгавая кампанія пачалася значна раней, яшчэ за месяц да выбараў. Эксперты і спецыялісты з 9 краін, якія ўваходзяць у Міжпарламенцкую асамблею СНД, аналізавалі выбарчае заканадаўства Беларусі, аналізавалі матэрыялы СМІ і аспекты, звязаныя з вылучэннем і рэгістрацыяй кандыдатаў у дэпутаты", - адзначыў Кабіцкі.
Па словах суразмоўцы Sputnik, кампанія праходзіла без сур'ёзных заўваг. Размаўляючы з выбаршчыкамі, работнікамі выбарчых камісій і назіральнікамі (іх 2 800 чалавек!), эксперты не атрымалі ніякіх скаргаў і нараканняў.
Праграму "Гарызонт падзей" з удзелам кіраўніка сакратарыята МПА СНД Дзмітрыя Кабіцкага глядзіце на Sputnik Беларусь.