МІНСК, 2 сне - Sputnik. Прэзідэнт Беларусі Аляксандр Лукашэнка павіншаваў прэзідэнтаў ААЭ і Лаоса і народы гэтых краін з нацыянальнымі святамі, пра гэта паведамілі ў прэс-службе беларускага лідара.
Узорныя адносіны
У панядзелак у Аб'яднаных Арабскіх Эміратах адзначаюць Дзень стварэння федэрацыі. У сувязі з гэтым кіраўнік Беларусі накіраваў віншаванні прэзідэнту краіны Халіфу бен Заіду аль-Нахаяну, наследнаму прынцу Абу-Дабі, намесніку Вярхоўнага галоўнакамандуючага Узброенымі Сіламі ААЭ шэйху Мухамеду бен Заіду аль-Нахаяну, віцэ-прэзідэнту і прэм'ер-міністру ААЭ, правіцелю Дубая шэйху Мухамеду бен Рашыду аль-Мактуму.
Лукашэнка выказаў упэўненасць, што адносіны Беларусі і ААЭ будуць заставацца прыкладам паспяховага, ўзаемавыгаднага і трывалага міжнароднага супрацоўніцтва.
"Спадзяюся, што ў наступным годзе мы зможам не толькі рэалізаваць на існуючы патэнцыял двухбаковага партнёрства, але і вызначыць новыя перспектыўныя праекты ў розных галінах", - падкрэсліў прэзідэнт Беларусі.
Ён таксама выказаў меркаванне, што адносіны паміж краінамі становяцца ўсё больш дынамічнымі.
"Бягучы год увойдзе ў гісторыю беларуска-эмірацкага партнёрства як адзін з найбольш плённых з пункту гледжання кантактаў на вышэйшым і высокім узроўнях, па лініі міністэрстваў і іншых органаў дзяржаўнага кіравання, а таксама дзелавых колаў", - адзначыў Лукашэнка.
Свята ў Лаосе
У панядзелак нацыянальнае свята адзначаюць таксама ў Лаоскай Народна-Дэмакратычнай Рэспубліцы - Дзень абвяшчэння Рэспублікі. Менавіта ў гэты дзень 1975 года на Нацыянальным кангрэсе народных прадстаўнікоў была абвешчана ЛНДР. Аляксандр Лукашэнка павіншаваў прэзідэнта Буннянгу Варачыту і народ краіны з гэтым святам.
"Спадзяюся, што супрацоўніцтва Мінска і В'ент'янf ў галінах узаемнай цікавасці будзе і надалей паспяхова развівацца і садзейнічаць росту дабрабыту нашых народаў", - заявіў беларускі лідар.
Акрамя таго, Лукашэнка пажадаў прэзідэнту Лаоса моцнага здароўя і ажыццяўлення планаў, а народу - шчасця і прагрэсу.