МІНСК, 15 сту - Sputnik. Міністэрства інфармацыі Беларусі дазволіла паказваць на тэрыторыі рэспублікі перадачы двух расійскіх тэлеканалаў - Ginger і "Телепутешествия HD", паведаміла ў аўторак прэс-служба ведамства.
Дадзеным замежным тэлевізійным СМІ адпаведныя дакументы выдадзены на тры гады пры ўмове адсутнасці змены іх формы і зместу.
Абодва каналы - расійскія: Ginger разлічаны на дзіцячую аўдыторыю, у яго эфіры паказваюць сіткомы, розныя пазнавальныя праграмы, мультфільмы, анімацыйныя серыялы і фільмы; другі прысвечаны экстрэмальным і незвычайным падарожжам, а таксама прыродзе Зямлі.