МІНСК, 1 лют - Sputnik. Прэзідэнт ЗША Дональд Трамп абмежаваў выдачу віз грамадзянам шасці краін, паведамляецца на сайце Белага дома.
У студзені СМІ пісалі пра планы амерыканскіх уладаў пашырыць спіс краін, грамадзянам якіх будзе абмежаваны ўезд у ЗША. У гэтым спісе нібыта фігуравала і Беларусь.
Напярэдадні ў Белым доме паведамілі аб падпісанні ўказа, які абмяжоўвае паездкі ў краіну грамадзян з Кыргызстана, М'янмы, Нігерыі, Судана, Танзаніі і Эрытрэі. Як растлумачылі ў Адміністрацыі Трампа "гэта звязана з тым, як у гэтых краінах займаюцца пытаннямі забеспячэння бяспекі".
Гэтыя абмежаванні не закрануць турыстаў і бізнесменаў, якія працуюць з ЗША. Меры накіраваны супраць жадаючых пасяліцца на амерыканскай тэрыторыі імігрантаў.
"Для нацыянальнай бяспекі і вяршэнства здаровага сэнсу вельмі важна, каб, калі замежная дзяржава жадае атрымаць выгаду ад іміграцыі і візітаў у Злучаныя Штаты, яна адпавядала базавым умовам бяспекі, выкладзеным амерыканскімі праваахоўнымі і разведвальнымі спецыялістамі", - гаворыцца ў заяве ў Белага дома.
У верасні 2017 года Трамп сваім указам забараніў уезд грамадзянам Ірана, Лівіі, Сірыі, Емена, Самалі, Судана і Ірака. Але шэраг судовых інстанцый прызналі ўказ незаконным - дакумент прыйшлося рэдагаваць і са спісу былі прыбраны Ірак і Судан, і былі дададзеныя грамадзяне Чада і КНДР, а таксама чыноўнікі Венесуэлы.